ઇટાલીમાં આયોજિત G7 સમિટ દરમિયાન વૈશ્વિક રાજનીતિના મંચ પરથી એક ખૂબ જ રસપ્રદ અને હળવી ક્ષણ સામે આવી છે. ઇટાલીના વડાપ્રધાન જોર્જિયા મેલોની અને ભારતના વડાપ્રધાન નરેન્દ્ર મોદી વચ્ચેની કેમિસ્ટ્રી અને સોશિયલ મીડિયા પર તેમની લોકપ્રિયતા ફરી એકવાર ચર્ચાનો વિષય બની છે. સમિટ દરમિયાન પીએમ મોદીને મળતી વખતે જોર્જિયા મેલોનીએ હસતા હસતા ડિજિટલ પ્લેટફોર્મ પર બંનેની પોપ્યુલારિટીનો ઉલ્લેખ કર્યો હતો. તેમણે પીએમ મોદીને કહ્યું કે, "આપણે ઇન્સ્ટાગ્રામ પર સૌથી પ્રખ્યાત કપલ (જોડી) છીએ."
'મેલોડી' ટીમનો નવો વાયરલ વીડિયો
સોશિયલ મીડિયા પર પીએમ મોદી અને જોર્જિયા મેલોનીના નામને જોડીને ફેન્સ દ્વારા 'Melodi' હેશટેગ ચલાવવામાં આવે છે. સમિટ દરમિયાન બંને નેતાઓ જ્યારે દ્વિપક્ષીય બેઠક માટે સામસામે આવ્યા, ત્યારે મેલોનીએ આ ડિજિટલ ટ્રેન્ડનો ખુદ સ્વીકાર કર્યો હતો. આ મુલાકાતનો એક વીડિયો ઇન્ટરનેટ પર જોરદાર વાયરલ થઈ રહ્યો છે, જેમાં બંને નેતાઓ ખૂબ જ ઉષ્માભર્યા વાતાવરણમાં એકબીજાનું સ્વાગત કરતા અને હળવા મૂડમાં વાતચીત કરતા જોવા મળે છે. સોશિયલ મીડિયા યૂઝર્સ આ વીડિયોને ખૂબ પસંદ કરી રહ્યા છે અને તેના પર જાતજાતના મીમ્સ અને કમેન્ટ્સ પણ આવી રહ્યા છે.
