પ્રદર્શનકારીઓ પાકિસ્તાન પીએમ શાહબાઝ શરીફને "આતંકવાદી" ગણાવી રહ્યા છે.
પાકિસ્તાની સેના સામે વધતો ગુસ્સો
7 જૂનથી, પાકિસ્તાની સેના અને રેન્જર્સ દ્વારા કરવામાં આવેલા ગોળીબારમાં 56 નાગરિકો માર્યા ગયા છે. વધુમાં, છેલ્લા ચાર દિવસથી, પાકિસ્તાન સરકારે સરહદ પર PoJKમાં ખાદ્ય પુરવઠો લઈ જતા ટ્રકોને રોક્યા છે. જેના કારણે PoJKના લોકોમાં પાકિસ્તાની સરકાર અને સેના સામે ગુસ્સો વધી રહ્યો છે. દરમિયાન, ગયા અઠવાડિયે પાકિસ્તાની સેનાના ગોળીબારમાં માર્યા ગયેલા યુવાન ફૈઝાન રબ્બાનીને યાદ કરવા માટે આજે લોકો એકઠા થયા હતા. તેમણે પાકિસ્તાની સરકાર અને સેનાને આતંકવાદી ગણાવી અને સ્વતંત્રતા માટે સૂત્રોચ્ચાર કર્યા હતા.
પાકિસ્તાન સરકારનું હિટલર જેવુ વલણ
PoJKમાં, નાગરિકો, સ્કૂલની છોકરીઓ અને તેમના શિક્ષકો સાથે, પાકિસ્તાની સરકાર વિરુદ્ધ કૂચ કરી અને તાળીઓ પાડી હતી. પાકિસ્તાન અધિકૃત જમ્મુ અને કાશ્મીરમાં ઇન્ટરનેટ બંધ હોવાને કારણે, આજે 14 જૂને પાકિસ્તાની રેન્જર્સ દ્વારા કરવામાં આવેલા હત્યાકાંડનો ફોટો સામે આવ્યો, જેમાં રાવલકોટમાં એક ગેસ્ટહાઉસની બારીઓમાં અંદર અને બહાર ગોળીઓના છિદ્રો દેખાય છે.
9 જૂનથી શરુ છે વિરોધ
આ ગેસ્ટહાઉસમાં આવામી એક્શન કમિટીના નેતાઓ રોકાયા હતા, અને તેમને નિશાન બનાવવા માટે ગોળીબાર કરવામાં આવ્યો હતો. 9 જૂને વિરોધ શરૂ થયાને દસ દિવસ વીતી ગયા છે, અને ન તો પાકિસ્તાન સરકાર પ્રદર્શનકારીઓની વાત સાંભળવા તૈયાર છે, ન તો તેઓ ધીરજ રાખવા તૈયાર છે. PoJKમાં બળવો કેવી રીતે આગળ વધે છે તે જોવાનું બાકી છે.
આ પણ વાંચોઃ આ ભૂલો રસોડાને બનાવે છે બીમારીનું ઘર, જાણો શુ છે કારણ?
