Nepal News: હસીના શેખની જેમ કેપી શર્મા ઓલી કેમ પોતાનો દેશ છોડી શકતા નથી. જાણો શું છે કારણ?

કાઠમંડુ પોસ્ટના અહેવાલ મુજબ, મની લોન્ડરિંગ તપાસ વિભાગે આ નેતાઓ સામે તપાસ શરૂ કરી છે.

યુવાઓના પ્રદર્શનનો મામલો

બાંગ્લાદેશની જેમ, બળવા બાદ નેપાળમાં પણ એક નવો ખેલ શરૂ થયો છે. ભૂતપૂર્વ વડા પ્રધાન કેપી શર્મા ઓલી, શેર બહાદુર દેઉબા, પુષ્પ કમલ દહલ, ભૂતપૂર્વ ઉર્જા પ્રધાન દીપક ખડકા અને તેમની પત્ની અર્જુ રાણા દેઉબાને કાઠમંડુ છોડવા પર પ્રતિબંધ મૂકવામાં આવ્યો છે. વિરોધ પ્રદર્શન દરમિયાન તેમના ઘરે નોટો સળગાવવાનો એક વીડિયો વાયરલ થયો હતો, જેના કારણે સરકારે આ નેતાઓ સામે મની લોન્ડરિંગ અને ભ્રષ્ટાચાર માટે તપાસ શરૂ કરી હતી. બાંગ્લાદેશમાં, શેખ હસીના દેશ છોડીને ભારતમાં આશરો લીધો હતો, પરંતુ હવે કેપી ઓલી માટે આ રસ્તો મુશ્કેલ બની ગયો છે.

પ્રાથમિક સમીક્ષા બાદ તપાસ શરૂ

કાઠમંડુ પોસ્ટના અહેવાલ મુજબ, મની લોન્ડરિંગ તપાસ વિભાગે આ નેતાઓ સામે તપાસ શરૂ કરી છે. તપાસ દરમિયાન, તેમના ઘરમાંથી બળી ગયેલી ચલણી નોટોના અવશેષો, રાખ અને અન્ય પુરાવા એકત્રિત કરવામાં આવ્યા હતા. આ પુરાવા રાષ્ટ્રીય ફોરેન્સિક સાયન્સ લેબોરેટરીમાં મોકલવામાં આવ્યા છે. વિભાગના એક અધિકારીએ જણાવ્યું હતું કે સોશિયલ મીડિયા પર વાયરલ થયેલા વીડિયો અને ફોટાના આધારે પ્રાથમિક સમીક્ષા બાદ તપાસ શરૂ કરવામાં આવી હતી.

ભ્રષ્ટાચારની તપાસનું વચન

વચગાળાના વડા પ્રધાન સુશીલા કાર્કીએ ભ્રષ્ટાચારની તપાસનું વચન આપતાં કહ્યું છે કે વર્તમાન સરકારે આ ટૂંકા ગાળામાં ભૂતકાળના ભ્રષ્ટાચાર વિશે સ્પષ્ટ માહિતી મેળવી છે. જરૂરી તપાસ હાથ ધરવામાં આવશે અને ગુનેગારો સામે પગલાં લેવામાં આવશે. જોકે, તપાસમાં વિલંબની ટીકા થઈ છે. ભૂતપૂર્વ અધિક પોલીસ મહાનિરીક્ષક સુરેન્દ્ર બહાદુર શાહે જણાવ્યું હતું કે, ગુના સ્થળ પર તાત્કાલિક પહોંચ મહત્વપૂર્ણ છે, પરંતુ તપાસમાં વિલંબ પુરાવા એકત્ર કરવામાં જટિલ બનાવી શકે છે.