રશિયાના રાષ્ટ્રપતિ વ્લાદિમીર પુતિન અત્યારે સૌથી મુશ્કેલ તબક્કામાંથી પસાર થઈ રહ્યા હોય તેવું લાગી રહ્યું છે. પુતિનના જ એક સમયના કટ્ટર સમર્થક ઇલ્યા રેમેસલોએ દાવો કર્યો છે કે રશિયામાં અંદરખાને ભારે અસંતોષ છે અને આગામી એક વર્ષમાં સત્તા પરિવર્તન થઈ શકે છે. રેમેસલોના મતે, પુતિનના નજીકના લોકો જ હવે તેમની કાર્યશૈલીથી કંટાળી ગયા છે અને અંદરખાને તેમની નફરત કરી રહ્યા છે.
શાંત સત્તાપલટાની આગાહી
પત્રકાર ક્સેનિયા સોબચકને આપેલા ઇન્ટરવ્યુમાં રેમેસલોએ જણાવ્યું હતું કે, રશિયાની વર્તમાન આર્થિક અને સામાજિક સમસ્યાઓ માટે સીધા પુતિન જવાબદાર છે. તેમણે આગાહી કરી છે કે ૨૦૨૬ના અંત સુધીમાં અથવા ૨૦૨૭ની શરૂઆતમાં રશિયામાં મોટો રાજકીય બદલાવ આવશે. રસપ્રદ વાત એ છે કે, આ બદલાવ હિંસક નહીં હોય, પરંતુ ૧૯૫૩માં સ્ટાલિનના અવસાન બાદ જે રીતે શાંતિપૂર્ણ સત્તાપલટો થયો હતો, તેવો જ કંઈક માહોલ જોવા મળી શકે છે.
