Putin Trump Meet Alaska: રશિયન બોડીગાર્ડ્સ પુતિનના સ્ટૂલ સેમ્પલ અલાસ્કાથી મોસ્કો લઈ જશે, જાણો શુ છે કારણ ?

અમેરિકી રાષ્ટ્રપતિ ડોનાલ્ડ ટ્રમ્પ અને રશિયન રાષ્ટ્રપતિ વ્લાદિમીર પુતિન અલાસ્કામાં મુલાકાત કરશે. પુતિનની સુરક્ષામાં બોડીગાર્ડ્સ સાથે અનેક સુટકેસનો સમાવેશ થશે. પરંતુ આ સામાન્ય સુટકેસ નથી. બધા સુટકેસ બુલેટપ્રૂફ છે. જેનો ઉપયોગ પુતિન પર ગોળીબાર થવાના કિસ્સામાં ઢાલ તરીકે કરાશે. આ સુટકેસમાંથી એકનું નામ 'પૂ સુટકેસ' છે. જેમાં પુતિનનું મળમૂત્ર એકત્રિત કરીને મોસ્કો લઈ જવામાં આવશે.

પુતિનનું પોર્ટેબલ ટોયલેટ

પુતિન ફ્રાન્સની મુલાકાતે હતા ત્યારે સૌપ્રથમ વર્ષ 2017માં 'પૂ બ્રીફકેસ' જાહેર કરવામાં આવી હતી. વર્ષ 2019માં સાઉદી અરેબિયાની તેમની મુલાકાત દરમિયાન પણ આવી ચર્ચાઓ સામે આવી હતી. રાષ્ટ્રપતિ પુતિન તેમના કાર્યકાળની શરૂઆતથી જ આ પદ્ધતિ અપનાવી રહ્યા છે. આ પાછળનો હેતુ પુતિનના સ્વાસ્થ્ય અને તેમના સંભવિત રોગો વિશેની માહિતી તેમના હરીફોથી છુપાવવાનો છે. પુતિન છેલ્લા ઘણા વર્ષોથી તેમના સ્વાસ્થ્ય અંગે સમાચારમાં છે. પુતિન ઇચ્છતા નથી કે વિશ્વ તેમની શારીરિક સ્થિતિ વિશે જાણે. આ માહિતી તેમના સ્ટૂલ સેમ્પલની તપાસ કરીને જાહેર કરી શકાય છે. એટલા માટે તેમના બોડીગાર્ડ્સ તેમની સાથે પોર્ટેબલ ટોયલેટ રાખે છે.

પુતિનના સ્વાસ્થ્ય અંગે દુનિયામાં ચર્ચા

અફવાઓ પણ ફેલાઈ હતી કે પુતિન કેન્સર અને ડિમેન્શિયાથી પીડિત છે. રશિયા-યુક્રેન યુદ્ધ દરમિયાન, પુતિનના સ્વાસ્થ્ય વિશે ઘણી અટકળો કરવામાં આવી હતી. પુતિનને ડિમેન્શિયા અને પાર્કિન્સન રોગ હોવાના અહેવાલો પણ આવ્યા છે. રશિયાના વિજય દિવસ પરેડ પ્રસંગે મોસ્કોમાં ઘૂંટણ પર ધાબળા ઢાંકીને બેઠેલા પુતિનના સ્વાસ્થ્યની અફવાઓ વધુ તેજ બની હતી. જ્યારે એક ફોટો પોસ્ટ થયો હતો. જેમાં પુતિન ઘૂંટણ પર ધાબળો ઢાંકીને બેઠા છે. વર્ષ 2019માં પેરિસમાં આયોજિત યુક્રેન સમિટ દરમિયાન, પુતિન છ બોડીગાર્ડ્સ સાથે બાથરૂમમાં જતા જોવા મળ્યા હતા. તેમાંથી પાંચ તેમની આસપાસની સુરક્ષા માટે જવાબદાર હતા. તે જ સમયે, બાથરૂમમાંથી બહાર આવતાની સાથે જ બીજો બોડીગાર્ડ અંદર ગયો હતો.