અમેરિકા અને ભારત વચ્ચે વેપાર કરાર થયો છે. મળતી માહિતી અનુસાર, અમેરિકાએ ભારત પર 25 ટકા ટેરિફ લગાવ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે આ જાહેરાત કરી છે. ભારત અને અમેરિકા વચ્ચે વેપાર સોદા અંગે ઘણા સમયથી વાતચીત ચાલી રહી હતી.


આ નાણાકીય વર્ષના એપ્રિલ-જૂન ક્વાર્ટરમાં, ભારતની અમેરિકામાં નિકાસ 22.8 ટકા વધીને $25.51 બિલિયન થઈ છે, જ્યારે આયાત 11.68 ટકા વધીને $12.86 બિલિયન થઈ છે.

ટ્રમ્પે રશિયા સાથેની મિત્રતાને કારણે ભારત પર લાદ્યો ટેરિફ 

Also Read

અમેરિકાના રાષ્ટ્રપતિ ડોનાલ્ડ ટ્રમ્પે 1 ઓગસ્ટની સમયમર્યાદા પહેલા ભારત પર 25 ટકા ટેરિફ લાદી દીધો છે. ટેરિફ લાદતી વખતે અમેરિકાના રાષ્ટ્રપતિ ડોનાલ્ડ ટ્રમ્પે ભારત માટે ધમકીભરી ભાષાનો ઉપયોગ કર્યો હતો. ડોનાલ્ડ ટ્રમ્પે રશિયા સાથેની મિત્રતાને કારણે ભારત પર આ ટેરિફ લાદ્યો છે. વાસ્તવમાં, ભારત છેલ્લા ઘણા વર્ષોથી રશિયા પાસેથી સૌથી વધુ ક્રૂડ ઓઇલ આયાત કરી રહ્યું છે. જેના કારણે અમેરિકાના રાષ્ટ્રપતિએ દંડ સાથે ભારત પર 25 ટકા ટેરિફ લાદ્યો છે.

રશિયા સાથેના વેપારનો માર ભારતને સહન કરવો પડ્યો
રશિયા અને યુક્રેન વચ્ચે છેલ્લા 3 વર્ષથી યુદ્ધ ચાલી રહ્યું છે, જેના કારણે યુરોપિયન દેશોએ રશિયા પર ઘણા પ્રતિબંધો લગાવ્યા છે અને યુરોપિયન દેશો રશિયા પાસેથી ક્રૂડ ઓઇલ અને ગેસ આયાત કરી રહ્યા નથી. આ કારણે, ભારત છેલ્લા ઘણા વર્ષોથી રશિયા પાસેથી સસ્તું ક્રૂડ ઓઇલ ખરીદી રહ્યું છે, જે અમેરિકા અને યુરોપની નજરમાં કાંટો હતું. આ કારણે, અમેરિકન રાષ્ટ્રપતિએ ભારત પર 25 ટકા ટેરિફ અને દંડ લાદ્યો છે.
ડોનાલ્ડ ટ્રમ્પે શું કહ્યું?
ડોનાલ્ડ ટ્રમ્પ કહે છે કે ભારત અમારો મિત્ર છે, પરંતુ અમે છેલ્લા ઘણા વર્ષોમાં ભારત સાથે પ્રમાણમાં ઓછો વેપાર કર્યો છે કારણ કે તેમના ટેરિફ ખૂબ ઊંચા છે, જે વિશ્વમાં સૌથી વધુ છે. જે અમેરિકાને વેપાર વેપાર વધારવાથી રોકે છે. ટ્રમ્પના મતે, ભારત રશિયા પાસેથી સતત લશ્કરી સાધનો ખરીદી રહ્યું છે, જે યોગ્ય નથી. દરેક વ્યક્તિ ઈચ્છે છે કે રશિયા યુક્રેન પર હુમલો કરવાનું બંધ કરે, પરંતુ ભારત રશિયા સાથે સતત વેપાર વધારી રહ્યું છે, જે યોગ્ય પગલું નથી. તેથી, આ બધી બાબતોને ધ્યાનમાં રાખીને, અમેરિકાએ ભારત પર 25 ટકા ટેરિફ લાદવાનો નિર્ણય લીધો છે, અને આ 1 ઓગસ્ટથી અમલમાં આવશે. 

  • Follow us on: