ભારતની ઉર્જા સુરક્ષાને પ્રોત્સાહન આપવા માટે કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ સોમવારે અમેરિકા પાસેથી એલપીજી આયાત કરવાને લઇને એક ઐતિહાસિક સમજૂતીની જાહેરાત કરી છે. તેમણે કહ્યુ કે ભારત પોતાની એલપીજી સોર્સિગમાં વિવિધતા લાવી રહી છે.
મંત્રીના જણાવ્યા અનુસાર, ભારતીય સાર્વજનિક વિસ્તારની ઓઇલ કંપનીઓને વર્ષ 2026 માટે અમેરિકી ખાડી તટથી આશરે 2.2 મિલિયન ટન પ્રતિ વર્ષ એલપીજીના આયાત માટે એક વર્ષનો કરાર કરવામાં આવ્યો છે. આ ભારતની વાર્ષિક LPG આયાતના આશરે 10%નું પ્રતિનિધિત્વ કરે છે અને ભારતીય બજાર માટે આ પહેલો સ્ટ્રક્ચર્ડ યુએસ LPG કોન્ટ્રાક્ટ છે.
હરદીપ સિંહ પુરીએ ટ્વીટ કરી આપી માહિતી
હરદીપ સિંહ પુરીએ X પર પોસ્ટમાં લખ્યું: એક ઐતિહાસિક શરૂઆત! વિશ્વના સૌથી મોટાં અને ઝડપથી વધતા એલપીજી બજારોમાંના એક, અમેરિકા, ભારત માટે ખુલ્યું છે. ભારતની જનતાને એલપીજીની સુરક્ષિત અને સસ્તી પુરવઠા પૂરી પાડવા માટેના અમારા પ્રયાસોમાં, અમે અમારી એલપીજી સપ્લાયમાં વિવિધતા લાવી રહ્યા છીએ. એક મહત્વપૂર્ણ માઈલસ્ટોનમાં, ભારતીય જાહેર ક્ષેત્રની ઓઇલ કંપનીઓએ વર્ષ 2026 માટે દર વર્ષે આશરે 2.2 મિલિયન ટન એલપીજી આયાત કરવા માટેનો કરાર સફળતાપૂર્વક પૂર્ણ કર્યો છે, જે આપણા વાર્ષિક આયાતનો લગભગ 10% છે. આ સમજૂતી અમેરિકન ખાડી કાંઠેથી પ્રાપ્ત થશે. તે ભારતીય બજાર માટે અમેરિકન એલપીજીનો સ્ટ્રક્ચર્ડ યુએસ LPG કોન્ટ્રાક્ટ છે.
યુઝર્સને મળશે સસ્તું એલપીજી
સરકારના સસ્તા અને સુરક્ષિત ઊર્જા પુરવઠા સુનિશ્ચિત કરવાનો પ્રયાસ દર્શાવતા પુરીએ જણાવ્યું કે, ભારતની જનતાને એલપીજીનો સુરક્ષિત અને સસ્તો પુરવઠો આપવાના અમારા પ્રયાસોમાં, અમે અમારી એલપીજી સપ્લાયમાં વિવિધતા લાવી રહ્યા છીએ. તેઓએ આગળ જણાવ્યું કે ઇન્ડિયન ઓઈલ કોર્પોરેશન લિમિટેડ (IOCL), ભારત પેટ્રોલિયમ કોર્પોરેશન લિમિટેડ (BPCL) અને હિંદુસ્તાન પેટ્રોલિયમ કોર્પોરેશન લિમિટેડ (HPCL) ની ટીમોએ છેલ્લા કેટલાક મહિનાઓમાં મુખ્ય અમેરિકન ઉત્પાદકો સાથે ચર્ચા કરવા માટે અમેરિકા પ્રવાસ કર્યો હતો, જે હવે પૂર્ણ થઈ ચુક્યું છે.
