- પાકિસ્તાનની સરકારી એરલાઈન PIA પણ દેવાનો બોજ
- PIAના વિમાનો બાકી ચૂકવણી અને ઇંધણ પુરવઠા પર પ્રતિબંધોને કારણે બંધ
- 24 સ્થાનિક અને આંતરરાષ્ટ્રીય ફ્લાઇટ્સ રદ અન્ય 12 ફ્લાઈટ મોડી પડી
પાકિસ્તાનમાં દિવસેને દિવસે આતંકી હુમલા અને મોંઘવારીનો માર સહન કરવાનો વારો આવ્યો છે. દેવાના બોજથી દબાયેલી પાકિસ્તાનની સરકારી એરલાઈન PIA પણ દેવાના બોજામાં ઊંડે ફસાઈ ગઈ છે. પાકિસ્તાન ઇન્ટરનેશનલ એરલાઇન્સ (PIA) ના વિમાનો બાકી ચૂકવણી ન કરવા અને ઇંધણ પુરવઠા પર પ્રતિબંધોને કારણે ગ્રાઉન્ડ કરવામાં આવ્યા છે.
પાકિસ્તાનની સરકારી એરલાઇન્સ જે પહેલેથી જ ખોટમાં ચાલી રહી હતી, તેથી 24 સ્થાનિક અને આંતરરાષ્ટ્રીય ફ્લાઇટ્સ રદ કરવી પડી હતી. આ સિવાય 12 ફ્લાઈટ મોડી પડી હતી. 24 રદ કરાયેલી ફ્લાઇટમાંથી 11 આંતરરાષ્ટ્રીય અને 13 સ્થાનિક છે. આ સિવાય પીઆઈએએ બુધવાર માટે બે ડઝન ફ્લાઈટ્સ પણ કેન્સલ કરી છે, જેમાંથી 16 ઈન્ટરનેશનલ અને 8 ડોમેસ્ટિક છે. તે જ સમયે, ઘણી ફ્લાઇટ્સ મોડી ઉડશે. પીઆઈએના પ્રવક્તાએ જણાવ્યું હતું કે દૈનિક ધોરણે મર્યાદિત ઈંધણ પુરવઠાને કારણે ફ્લાઈટ્સ રદ કરવામાં આવી હતી. તેમણે કહ્યું કે જેટ ઈંધણના અભાવે મંગળવારે 13 ડોમેસ્ટિક ફ્લાઈટ્સ અને 11 ઈન્ટરનેશનલ ફ્લાઈટ્સ કેન્સલ કરવામાં આવી હતી. જ્યારે અન્ય 12 વિલંબમાં મુકાયા હતા.
