- નાટોની તાકાતમાં થવા જઈ રહ્યો છે વધારો
- તુર્કીનાં હસ્તાક્ષરે સ્વીડન માટે ખોલ્યો રસ્તો
- સમયમર્યાદાનો નથી કરવામાં આવ્યો ઉલ્લેખ
તુર્કીના રાષ્ટ્રપતિ રેસેપ તૈયપ એર્દોગને સંસદમાં જોડાણ પ્રોટોકોલ મોકલ્યા પછી સ્વીડન સોમવારે નાટોમાં જોડાવા માટે એક પગલું નજીક પહોંચ્યું છે. યુક્રેન પર રશિયાના આક્રમણથી સ્વીડન અને ફિનલેન્ડ બંનેને નાટોનું સભ્યપદ મેળવવા માટે પ્રેરિત કરવામાં આવ્યા હતા પરંતુ સ્વીડનનાં પ્રવેશને તુર્કી દ્વારા અવરોધવામાં આવ્યો હતો. તુર્કીના રાષ્ટ્રપતિનું જોડાણ પ્રોટોકોલ પર સાઇન-ઓફ મહિનાના વિલંબ પછી આવે છે પરંતુ તે સ્પષ્ટ નથી કે પ્રક્રિયા કેટલો સમય લેશે.
ફિનલેન્ડ એપ્રિલ માસમાં થયું હતું સામેલ
એર્દોગનની દરખાસ્ત સંસદીય કમિશનમાંથી બહાર નીકળી જવી જોઈએ અને પછી એસેમ્બલીના મુખ્ય ફ્લોર પર સામાન્ય મત માટે ખુલ્લું મૂકવું જોઈએ જ્યાં તુર્કીના પ્રમુખ અને તેમના સાથી પક્ષો પાસે સ્વીડનની બિડને બહાલી આપવા માટે જરૂરી બહુમતી છે. સ્વીડનની સાથે મે 2022માં સભ્યપદ માટે અરજી કરનાર ફિનલેન્ડ એપ્રિલ 2023માં નાટોમાં જોડાયું હતું. એર્દોગને સ્વીડન પર આતંકવાદી જૂથો જેમાં ખાસ કરીને આતંકવાદી કુર્દિસ્તાન વર્કર્સ પાર્ટી પર ખૂબ જ હળવા હોવાનો અને 2016ના તુર્કી બળવાના પ્રયાસ સાથે સંકળાયેલા લોકોને આશ્રય આપવાનો આરોપ મૂક્યો હતો.
સ્વીડને આતંકવાદ વિરોધી કાયદો બનાવ્યો કડક
તુર્કીના અધિકારીઓએ સ્વીડિશ અધિકારીઓ પર કુરાન સળગાવવા જેવા ઇસ્લામોફોબિક પ્રદર્શનોમાં સામેલ હોવાનો પણ આરોપ લગાવ્યો છે. સ્વીડને સભ્યપદ માટે અરજી કર્યા પછી તેના આતંકવાદ વિરોધી કાયદાને કડક બનાવ્યો અને તેની સુરક્ષા ચિંતાઓ પર તુર્કી સાથે વધુ નજીકથી કામ કરવા સંમત થયુ હતું. નાટો ચીફ જેન્સ સ્ટોલ્ટનબર્ગે જૂનમાં જાહેરાત કરી હતી કે એર્ડોગન બહાલી માટે તુર્કીની સંસદમાં જોડાણ પ્રોટોકોલ મોકલવા માટે સંમત થયા છે પરંતુ સમયમર્યાદાનો ઉલ્લેખ કર્યો નથી.
એર્દોગનનાં જોડાણ પ્રોટોકોલ પર હસ્તાક્ષરને અમેરિકાનો આવકાર
એર્દોગનનાં સોમવારે તુર્કીની સંસદમાં સ્વીડનના નાટો જોડાણ પ્રોટોકોલ પર હસ્તાક્ષર કરીને મોકલવા પર યુનાઇટેડ સ્ટેટ્સે તુર્કીનાં નિર્ણયને આવકાર્યો હતો. સ્ટેટ ડિપાર્ટમેન્ટના પ્રવક્તા મેટ મિલરે કહ્યું, "સ્વાભાવિક રીતે, અમે કેટલાક સમયથી સ્વીડનના જોડાણને બહાલી આપવા માટે બોલાવી રહ્યા છીએ." તેમણે વધુમાં જણાવ્યું હતું કે "અમે તુર્કીની સંસદમાં તે બિલની વિચારણા કરવામાં આવે અને શક્ય તેટલી વહેલી તકે પસાર થવાની રાહ જોઈ રહ્યા છીએ." એર્દોગનની આ પહેલ નાટોમાં જોડાવાની સ્વીડનની શોધમાં એક પગલું આગળનું પ્રતિનિધિત્વ કરે છે પરંતુ તેનો અર્થ એ નથી કે સ્વીડન તરત જ જોડાણનું આગામી સભ્ય બનશે.
