- ગાઝાની અલ-અહલી હોસ્પિટલ હુમલાને લઇ તંત્ર હાઇ એલર્ટમાં
- ઇઝરાયલે હુમલાને લઇ હમાસને જવાબદાર ગણાવ્યું
- હોસ્પિટલની અંદર હથિયારો અને ગોળા-બારુદને લઇ તર્ક-વિતર્ક
ગાઝાની અલ-અહલી હોસ્પિટલ પર મંગળવારે થયેલા હુમલા બાદ આ હુમલો કોણે કરાવ્યો તે અંગે ચર્ચા શરૂ થઈ ગઈ છે. ઇઝરાયલે આ માટે હમાસને જવાબદાર ગણાવ્યું છે. સાથે જ હમાસનું કહેવું છે કે ઈઝરાયેલની સેનાએ જાણી જોઈને હોસ્પિટલને નિશાન બનાવ્યું છે. હોસ્પિટલ પરના હુમલાની વિશ્વભરમાં ટીકા થયા બાદ ઈઝરાયેલે હુમલાના પુરાવા સાર્વજનિક કર્યા છે. ઈઝરાયેલે પુરાવા તરીકે એક વીડિયો જાહેર કર્યો છે. જેમાં હમાસના આતંકીઓ હોસ્પિટલની અંદર કેવી રીતે હથિયારો અને ગોળા-બારુદ લઈ ગયા તે જણાવવામાં આવ્યું છે.
ગાઝાની અલ-અહલી હોસ્પિટલ હુમલાને લઇ તંત્ર હાઇ એલર્ટમાં
અમેરિકાએ પણ ઈઝરાયેલના પુરાવાઓ પર તેની મંજૂરીની મહોર લગાવી દીધી છે, પરંતુ રશિયાએ મુશ્કેલી ઊભી કરી છે. રશિયાએ ઇઝરાયેલ પાસે આ મામલે સેટેલાઇટ ઇમેજ આપવાની માંગ કરી છે. રશિયાના વિદેશ મંત્રાલયનું કહેવું છે કે જો ઈઝરાયેલ આ હુમલામાં સામેલ નથી તો તેણે સેટેલાઇટ તસવીરો જાહેર કરવી જોઈએ. આવી સ્થિતિમાં, સવાલ એ છે કે સેટેલાઇટ ઇમેજ શું છે, તે હુમલાની માહિતી કેવી રીતે આપશે અને રશિયા શા માટે અમેરિકા અને ઇઝરાયલ પાસેથી આ તસવીરો માંગી રહ્યું છે.
સેટેલાઇટ ઇમેજ શું છે?
આ તે તસવીરો છે જે પૃથ્વીની આસપાસ ફરતા ઉપગ્રહોની મદદથી લેવામાં આવી છે. તેમની મદદથી પૃથ્વીના વિવિધ ભાગોના ફોટોગ્રાફ લઈ શકાય છે. આ ઉપગ્રહો સેન્સરથી સજ્જ છે જે પૃથ્વીની ઉચ્ચ-રિઝોલ્યુશનની તસવીરો લેવામાં સક્ષમ છે. સામાન્ય રીતે આ ફોટોગ્રાફ્સનો ઉપયોગ આબોહવા, ભૌગોલિક પરિસ્થિતિઓ અને માનવ દ્વારા બનાવેલી રચનાઓ જોવા માટે થાય છે. સેટેલાઇટ ઇમેજ વિશ્વને સમજવામાં મદદ કરે છે. ઉદાહરણ તરીકે, તેની મદદથી જાણી શકાય છે કે ક્યાં કેટલા વૃક્ષો કાપવામાં આવ્યા અને કેટલા વધ્યા. તે સમુદ્રના તાપમાન પર નજર રાખે છે. ત્યાં ઘણા પ્રકારની સેટેલાઇટ ઇમેજ છે - દૃશ્યમાન ઇમેજ, ઇન્ફ્રારેડ ઇમેજ અને વોટર વેપર ઇમેજ.
ગાઝા હોસ્પિટલ હુમલામાં સેટેલાઇટ ઇમેજ કેવી રીતે મદદ કરશે?
ઉપગ્રહની તસવીરો ગાઝા હુમલાને કેવી રીતે જાહેર કરશે તે સમજવા માટે આપણે પહેલા ઈઝરાયેલનું નિવેદન સમજવું પડશે. ઈઝરાયેલની સેનાના પ્રવક્તા રિયર એડમિરલ ડેનિયલનું કહેવું છે કે ગાઝાની હોસ્પિટલ પર થયેલો હુમલો ઈસ્લામિક જેહાદ રોકેટ હતો. હોસ્પિટલ પર સીધો હુમલો થયો ન હતો. હોસ્પિટલમાંથી રોકેટ છોડવામાં આવ્યું હોવાથી નજીકની ઈમારતોને કોઈ નુકસાન થયું નથી.
ઈઝરાયલની સ્પષ્ટતા બાદ રશિયાએ સેટેલાઇટ તસવીરોની માંગણી કરી છે. સેટેલાઇટ ઇમેજ ઘટના સ્થળ અને આસપાસના વિસ્તારોની માહિતી આપશે. સ્થળ વિશે વિગતવાર માહિતી ઉપલબ્ધ થશે. ત્યારપછી ઈઝરાયલી આર્મી દ્વારા જાહેર કરાયેલા ફૂટેજ અને બાદમાં મળેલી સેટેલાઈટ ઈમેજીસની સરખામણી અને વિશ્લેષણ કરવામાં આવશે. તેનાથી સ્પષ્ટ થશે કે હુમલો કેવી રીતે થયો. રોકેટ ઇઝરાયેલથી આવ્યા હતા અથવા ગાઝામાં હોસ્પિટલની આસપાસના વિસ્તારમાંથી લોન્ચ કરવામાં આવ્યા હતા અથવા મિસ ફાયર કરવામાં આવ્યા હતા.
