Trump: કંગનાએ ડ્રોનાલ્ડ ટ્રમ્પને પાઠવી શુભકામના, શેર કરી જબરદસ્ત તસવીર

અમેરિકામાં રાષ્ટ્રપતિ પદની ચૂંટણીના પરિણામ લગભગ આવી ગયા છે. પૂર્વ રાષ્ટ્રપતિ અને રિપબ્લિકન પાર્ટીના ઉમેદવાર ડોનાલ્ડ ટ્રમ્પે ચૂંટણીમાં ઐતિહાસિક જીત નોંધાવી છે અને ફરી એકવાર અમેરિકાના રાષ્ટ્રપતિ બનવા માટે તૈયાર છે. આ જીત બાદ ટ્રમ્પને દુનિયાભરમાંથી અભિનંદન મળી રહ્યા છે. આવી સ્થિતિમાં ભારતીય જનતા પાર્ટીના સાંસદ અને અભિનેત્રી કંગના રનૌતે પણ ડોનાલ્ડ ટ્રમ્પને તેમની જીત પર અભિનંદન પાઠવ્યા છે.

કંગનાએ પાઠવી શુભકામના 

બીજેપી સાંસદ કંગના રનૌતે અમેરિકી રાષ્ટ્રપતિની ચૂંટણીમાં જીત બદલ ડોનાલ્ડ ટ્રમ્પને અભિનંદન આપતી એક સુંદર તસવીર શેર કરી છે. કંગનાએ એક તસવીર શેર કરી છે જેમાં ડોનાલ્ડ ટ્રમ્પ ભગવા કપડા પહેરીને લોકોનુ અભિવાદન ઝીલી રહ્યા છે. ટ્રમ્પ સાથે બિઝનેસમેન ઈલોન મસ્ક પણ જોવા મળી રહ્યા છે. કંગનાએ લખ્યું કે "ટ્વીટર પર આ આજનું શ્રેષ્ઠ મીમ છે, ડોનાલ્ડ ટ્રમ્પને અભિનંદન.

પીએમ મોદીએ પણ પાઠવી શુભકામના

ભારતના વડાપ્રધાન નરેન્દ્ર મોદીએ પણ ડોનાલ્ડ ટ્રમ્પને અભિનંદન પાઠવ્યા છે. પીએમ મોદીએ લખ્યું કે હું અમારા સહયોગને નવી રીતે વિસ્તારવા માટે ઉત્સુક છું.

નેતન્યાહૂએ પાઠવી શુભકામના

ઈઝરાયેલના રાષ્ટ્રપતિ બેન્જામિન નેતન્યાહુએ પણ ટ્રમ્પને અભિનંદન પાઠવ્યા છે. તેમણે લખ્યું કે પ્રિય ડોનાલ્ડ અને મેલાનિયા ટ્રમ્પ, ઈતિહાસમાં સૌથી મહાન પુનરાગમન બદલ અભિનંદન! વ્હાઇટ હાઉસમાં તમારી ઐતિહાસિક વાપસી અમેરિકા માટે નવી શરૂઆત અને ઈઝરાયેલ અને અમેરિકા વચ્ચેના મહાન સંબંધો માટે એક શક્તિશાળી પુનઃ પ્રતિબદ્ધતા પ્રદાન કરશે. આ એક મોટી જીત છે. , તમારા સાચા મિત્રો, બેન્જામિન અને સારા નેતન્યાહુ.