MI Vs SRH Playing 11: આજે વાનખેડેમાં રનનો વરસાદ થશે,સંભવિત પ્લેઇંગ 11

• આ મેચમાં રનના વરસાદની પૂરેપૂરી અપેક્ષા છે
  
• બંને ટીમો વચ્ચે છેલ્લી મેચ 27 માર્ચે રમાઈ હતી
• આ વખતે પણ બંને ટીમો વચ્ચે હાઈ સ્કોરિંગ મેચની અપેક્ષા

ઈન્ડિયન પ્રીમિયર લીગ (IPL) 2024 સીઝનમાં, આજે (6 મે) મુંબઈ ઈન્ડિયન્સ (MI) અને સનરાઈઝર્સ હૈદરાબાદ (SRH) વચ્ચે મેચ રમાશે. આ મેચ મુંબઈના વાનખેડે સ્ટેડિયમમાં સાંજે 7.30 કલાકે શરૂ થશે.

બંને ટીમો વચ્ચે અત્યાર સુધીમાં 22 મેચ રમાઈ છે

આ મેચમાં રનના વરસાદની પૂરેપૂરી અપેક્ષા છે. તેનું કારણ બંને ટીમોમાં વિસ્ફોટક બેટ્સમેનોની હાજરી છે. પેટ કમિન્સની આગેવાની હેઠળની હૈદરાબાદની ટીમ આ સિઝનમાં ત્રણ વખત 250થી વધુ રન બનાવી ચૂકી છે.

મુંબઈએ 12 અને હૈદરાબાદે 10 મેચ જીતી છે

બંને ટીમો વચ્ચે છેલ્લી મેચ 27 માર્ચે રમાઈ હતી, જ્યારે હૈદરાબાદે 3 વિકેટે 277 રનનો રેકોર્ડ સ્કોર બનાવ્યો હતો. જવાબમાં મુંબઈએ પણ 5 વિકેટે 246 રન બનાવ્યા હતા. આ વખતે પણ બંને ટીમો વચ્ચે હાઈ સ્કોરિંગ મેચની અપેક્ષા છે.

હૈદરાબાદ અને મુંબઈ વચ્ચે કાંટાની ટક્કર

જો રેકોર્ડ પર નજર કરીએ તો હૈદરાબાદ સામે મુંબઈનો હંમેશા ઉપર હાથ રહ્યો છે. બંને ટીમો વચ્ચે અત્યાર સુધીમાં 22 મેચ રમાઈ છે, જેમાં મુંબઈએ 12 અને હૈદરાબાદે 10 મેચ જીતી છે. જો છેલ્લી 5 મેચના રેકોર્ડ પર નજર કરીએ તો તેમાં મુંબઈ ઈન્ડિયન્સનો સંપૂર્ણ દબદબો જોવા મળ્યો છે. આ 5માંથી તેણે 3 મેચ જીતી હતી, જ્યારે હૈદરાબાદે 2 જીતી હતી.

મુંબઈ Vs હૈદરાબાદ સામ-સામે

કુલ મેચ: 22

MI જીત્યુ : 12

SRH જીત્યુ : 10

આ હૈદરાબાદ-મુંબઈની પ્લેઈંગ-11 હોઈ શકે છે.

મુંબઈ ઈન્ડિયન્સઃ

ઈશાન કિશન (વિકેટકીપર), સૂર્યકુમાર યાદવ, તિલક વર્મા, નેહલ વાઢેરા, હાર્દિક પંડ્યા (કેપ્ટન), નમન ધીર, ટિમ ડેવિડ, ગેરાલ્ડ કોએત્ઝી, પીયૂષ ચાવલા, જસપ્રિત બુમરાહ અને નુવાન તુશારા.

સનરાઈઝર્સ હૈદરાબાદ:

અભિષેક શર્મા, ટ્રેવિસ હેડ, અનમોલપ્રીત સિંહ, હેનરિક ક્લાસેન (વિકેટમાં), અબ્દુલ સમદ, નીતિશ રેડ્ડી, શાહબાઝ અહેમદ, માર્કો જેન્સેન, પેટ કમિન્સ (સી), ભુવનેશ્વર કુમાર અને ટી નટરાજન.