સરકારે આ ખાતરને લોંચ કરવાના ઠરાવને આપી મંજૂરી, આ કીંમત હશે

• હવે ટૂંક સમયમાં સલ્ફર કોટેડ યુરિયા મળશે
  
• સલ્ફર કોટેડ યુરિયાની કીંમત ખૂબ નજીવી હશે
• ખેતરમાં આ યુરિયાથી બમણો પાક મળશે

આપણો દેશ ખેતીપ્રધાન દેશ છે. પરંતુ ખેતીમાં ભૌગોલિક અને હવામાન પરિબળને લીઘે ખેતીમાં જોઈએ એટલી ધારી સફળતા નથી મેળવી શકાતી. તો વળી ખેતરમાં નાખવામાં આવતા ખાતરને લઈ ઘણી તકલીફો વેઠવી પડે છે. ખાતર ન મળતા જોઈએ એવો ખેતીપાક નથી લઈ શકાતો. યુરિયા ખાતરમાં પણ ઘણી વિવિધતા જોવા મળે છે. જો કે આમાં પણ એક નવા જ પ્રકારના યુરિયા ટૂંક સમયમાં લાવવાની તૈયારી કરી રહી છે. જી હા...

કેન્દ્ર સરકારે સલ્ફર કોટેડ યુરિયાને યુરિયા ગોલ્ડના નામથી લોંચ કરવાના પ્રસ્તાવને મંજૂરી આપી દીધઈ છે. રસાયણ અને ખાતર મંત્રાલય વિભાગે તમામ ખાતર બનાવતી કંપનીઓના એમડી, સીએમડીને સૂચના આપી અને આ અંગેની જાણકારી આપી દીધી છે. વિભાગને અપાયેલા નોટિફિકેશનમાં જણાવાયું છે કે આર્થિક મામલાના મંત્રીમંડળની સમિતિએ 28 જૂન 2023ના રોજ આયોજિત એક બેઠકમાં યુરિયા ગોલ્ડના નામથી સલ્ફર કોટેડ યુરિયા લોંચ કરવાના પ્રસ્તાવને મંજૂરી આપી છે. આ સંબંધમાં સક્ષમ અધિકારીઓને 10 કિલોગ્રામની બેગમાં સલ્ફર કોટેડ યુરિયાને નીમ કોટેડ યુરિયાની 45 કિલોગ્રામની બેગની એમઆરપી પર શરૂ કરવાની મંજૂરી આપી હતી. આની કીંમત જીએસટી સહિત 266.50 રૂપિયા રાખવામાં આવી છે.