આ સમાચાર સિગારેટ પીનારાઓ અને પાન મસાલા ખાનારાઓ માટે મોટો ઝટકો સાબિત થઈ શકે છે. કેન્દ્ર સરકારે 1 ફેબ્રુઆરી 2026થી સિગારેટ પર એક્સાઇઝ ડ્યુટી લાદવાનો નિર્ણય લીધો છે. સરકારે બુધવારે એટલે કે 31 ડિસેમ્બર 2025ની રાત્રે આ સંદર્ભમાં એક સત્તાવાર આદેશ જારી કર્યો હતો. અગાઉ, ડિસેમ્બર 2025માં સરકારે સેન્ટ્રલ એક્સાઇઝ (સુધારા) બિલ, 2020ને મંજૂરી આપી હતી, જેણે તમાકુ ઉત્પાદનો પર કર વ્યવસ્થા કડક બનાવવાનો માર્ગ મોકળો કર્યો હતો.
તમાકુ ઉત્પાદનો પર તગડો ટેક્સ
નવી સિસ્ટમ હેઠળ, સિગારેટ પર એક્સાઇઝ ડ્યુટી તેની લંબાઈના આધારે નક્કી કરવામાં આવશે. આ ડ્યુટી 2,050 રૂપિયાથી 8,500 રૂપિયા પ્રતિ હજાર સ્ટીક સુધીની હશે. આનો અર્થ એ થયો કે સિગારેટ જેટલી લાંબી હશે, તેટલો ટેક્સ વધારે લાગશે. આ નિર્ણય પછી, સિગારેટના ભાવમાં વધારો નિશ્ચિત માનવામાં આવે છે, જેની સીધી અસર ગ્રાહકોના ખિસ્સા પર પડશે. સરકારનો ઉદ્દેશ્ય માત્ર આવક વધારવાનો જ નથી, પરંતુ તમાકુ ઉત્પાદનોના વ્યસનને અટકાવવાનો અને જાહેર આરોગ્ય અંગે કડક પગલાં લેવાનો પણ છે.
