RBIએ આ બેંકો પર 10 કરોડ રૂપિયાનો ફટકાર્યો દંડ, આ કારણ જવાબદાર

• બેંક ઓફ બરોડા અને ઈન્ડિયન ઓવરસીઝ બેંક પર ફટકાર્યો દંડ
  
• RBIએ બેંકોને કુલ 10.34 કરોડ રૂપિયાનો દંડ ફટકાર્યો
• બેંકો પર નિયમનકારી ધોરણોનું ઉલ્લંઘન કરવાનો આરોપ

રિઝર્વ બેંક ઓફ ઈન્ડિયાએ સિટી બેંક, બેંક ઓફ બરોડા અને ઈન્ડિયન ઓવરસીઝ બેંક પર કુલ 10.34 કરોડ રૂપિયાનો દંડ ફટકાર્યો છે. આ બેંકો પર નિયમનકારી ધોરણોનું ઉલ્લંઘન કરવાનો આરોપ છે.

રિઝર્વ બેંકનું શું છે નિવેદન?

રિઝર્વ બેંકે એક નિવેદનમાં જણાવ્યું હતું કે, ડિપોઝિટર એજ્યુકેશન એન્ડ અવેરનેસ ફંડ સ્કીમ અને નાણાકીય સેવાઓના આઉટસોર્સિંગ પર આચારસંહિતાના નિયમોનું પાલન ન કરવા બદલ Citibank NA પર મહત્તમ રૂ. 5 કરોડનો દંડ લાદવામાં આવ્યો છે. અન્ય એક રીલીઝમાં કહેવામાં આવ્યું છે કે જાહેર ક્ષેત્રની બેંક ઓફ બરોડા પર 'સેન્ટ્રલ રિપોઝીટરી'ની રચના અને લોન સંબંધિત અન્ય બાબતો સંબંધિત કેટલીક સૂચનાઓનું ઉલ્લંઘન કરવા બદલ રૂ. 4.34 કરોડનો દંડ ફટકારવામાં આવ્યો હતો.

આ સિવાય ચેન્નાઈ સ્થિત જાહેર ક્ષેત્રની ઈન્ડિયન ઓવરસીઝ બેંક પર લોન સંબંધિત સૂચનાઓનું ઉલ્લંઘન કરવા બદલ 1 કરોડ રૂપિયાનો દંડ ફટકારવામાં આવ્યો છે. ત્રણેય કેસ અંગે રિઝર્વ બેંકે કહ્યું કે દંડ નિયમનકારી અનુપાલનમાં ખામીઓ પર આધારિત છે. તેનો હેતુ બેંકો દ્વારા તેમના ગ્રાહકો સાથે કરવામાં આવેલ કોઈપણ વ્યવહાર અથવા કરારની માન્યતાને અસર કરવાનો નથી.