Vaibhav Sooryavanshiનું 8 શબ્દો સાંભળ્યા બાદ બદલ્યું માઈન્ડસેટ, વૈભવે કોની વાત સંભાળી?

ગયા રવિવારે 21 જૂનના રોજ શ્રીલંકા A સામે ટ્રાય સિરીઝની ફાઈનલમાં વૈભવ સૂર્યવંશીએ ધમાકેદાર ઈનિંગ રમી હતી, જેમાં તેને માત્ર 29 બોલમાં 10 ચોગ્ગા અને 8 છગ્ગા ફટકારીને 94 રન બનાવ્યા હતા. તેનો સ્ટ્રાઈક રેટ 324.14 હતો. 

સિરીઝની પાછલી 4 મેચોમાં વૈભવે કોઈ મોટી ઈનિંગ રમી ન હતી. તેને 14, 44, 21 અને 38 રન બનાવીને 117 રન બનાવ્યા હતા. તે પહેલાં તેને આઈપીએલમાં વિસ્ફોટક બેટિંગ દ્વારા પોતાની ક્ષમતા સાબિત કરી હતી.

ફક્ત 8 શબ્દોએ વૈભવને પ્રેરણા આપી

ટાઈટલ મેચ પહેલા ફક્ત 8 શબ્દોએ વૈભવને એવી પ્રેરણા આપી. ઈન્ડિયા A કોચ હૃષિકેશ કટિંકરે મેચ પહેલા વૈભવને મોટું ભાષણ આપ્યું ન હતું, પરંતુ ફક્ત 4 શબ્દો બોલ્યા હતા. 

ચાર શબ્દોએ વૈભવને જબરદસ્ત પ્રેરણા આપી. કોચે કહ્યું કે "તારી સ્વાભાવિક રમત રમ." બીજું એક વાક્ય ઉમેરતા, કોચે કહ્યું, "વધુ વિચાર ન કર." પછી પોતાની સ્વાભાવિક રમત રમીને વૈભવે 11 બોલમાં પોતાની 50 રન પૂર્ણ કર્યા અને પછી 29 બોલમાં 94 રન બનાવ્યા. ફરી એકવાર વૈભવ સદીની ખૂબ નજીક આઉટ થયો.

ટીમ ઈન્ડિયાએ મોટો સ્કોર બનાવ્યો 

વૈભવની શક્તિશાળી ઈનિંગને કારણે ઈન્ડિયા A એ 50 ઓવરમાં 9 વિકેટે 377 રન બનાવ્યા. કેપ્ટન તિલક વર્માએ પણ ટીમ માટે શાનદાર ઈનિંગ રમી, જેમાં 90 બોલમાં 4 ચોગ્ગા અને 1 છગ્ગાની મદદથી 67 રન બનાવ્યા. 

શ્રીલંકા પીછો કરવામાં નિષ્ફળ

ટાર્ગેટનો પીછો કરવા ઉતરેલી શ્રીલંકા A ટીમે 300 રનનો આંકડો પાર કર્યો પણ તે નિષ્ફળ રહી. ટીમ 47.1 ઓવરમાં 311 રનમાં ઓલઆઉટ થઈ ગઈ. સાતમા નંબરે બેટિંગ કરવા આવતા વનજા સહાને સૌથી વધુ 62 રન બનાવ્યા, પરંતુ તે ટીમને જીત અપાવી શક્યો નહીં. આ દરમિયાન ભારત A માટે યશ ઠાકુર અને વિપરાજ નિગમે 3-3 વિકેટ લીધી. 

આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા