ICC મહિલા T20 વર્લ્ડ કપની 30મી મેચ ભારત અને ઓસ્ટ્રેલિયા વચ્ચે લોર્ડ્સ ખાતે રમાઈ હતી. ભારતીય ટીમ 6 વિકેટથી હારી ગઈ હતી, જેના કારણે તેમના ટુર્નામેન્ટ અભિયાનનો અંત આવ્યો હતો. ઓસ્ટ્રેલિયા અને દક્ષિણ આફ્રિકા હવે ગ્રુપ A માંથી સેમિફાઇનલમાં પહોંચી ગયા છે. ટીમ ઇન્ડિયા સતત બીજી વખત મહિલા T20 વર્લ્ડ કપના ગ્રુપ સ્ટેજમાંથી બહાર થઈ ગઈ છે.
ઓસ્ટ્રેલિયએ જીત થશે સેમિફાઇનલમાં કરી એન્ટ્રી
જોકે, ઓસ્ટ્રેલિયન બેટ્સમેનોએ આ પડકારજનક લક્ષ્યનો પીછો નોંધપાત્ર કાર્યક્ષમતા સાથે કર્યો. ઓસ્ટ્રેલિયા તરફથી એલિસ પેરી અને એશ્લે ગાર્ડનરે શાનદાર અડધી સદી ફટકારી, ટીમને વિજયની અણી પર પહોંચાડી. કાંગારૂઓએ 19 ઓવરમાં 4 વિકેટ ગુમાવીને 172 રન બનાવ્યા અને 6 બોલ બાકી રહેતા મેચ જીતી લીધી.
કેપ્ટન હરમનપ્રીત કૌરે 56 રનની લડાયક ઇનિંગ રમી
ઐતિહાસિક લોર્ડ્સ ગ્રાઉન્ડ પર રમાયેલી આ મેચમાં, કેપ્ટન હરમનપ્રીત કૌરે 56 રનની લડાયક ઇનિંગ રમીને ભારતને 170 રન સુધી પહોંચાડ્યું. જવાબમાં ઓસ્ટ્રેલિયાએ છ બોલ બાકી રહેતા લક્ષ્ય હાંસલ કરી લીધું. ઓસ્ટ્રેલિયા માટે, એલિસ પેરી (56) અને એશ્લે ગાર્ડનર વચ્ચે 53 રનની મેચવિનિંગ ઇનિંગ રમી.
એલિસ પેરી અને એશ્લે ગાર્ડનરે 100 રનની ભાગીદારી
એલિસ પેરી અને એશ્લે ગાર્ડનર વચ્ચેની 100 રનની ભાગીદારી ભારતીય ટીમ માટે મોટો ફટકો સાબિત થઈ. એક સમયે, ભારતે ઓસ્ટ્રેલિયાને 68 રનમાં આઉટ કરી દીધું હતું, પરંતુ પેરી અને ગાર્ડનર વચ્ચેની 100 રનની ભાગીદારીએ ભારતને જીતથી દૂર રાખવામાં મદદ કરી.
ટીમ ઈન્ડિયા ટુર્નામેન્ટમાંથી બહાર
મહિલા T20 વર્લ્ડ કપ પહેલી વાર 2009 માં રમાયો હતો. 17 વર્ષ અને 10 આવૃત્તિઓ વીતી ગઈ છે, પરંતુ ભારત હજુ સુધી વિશ્વ ચેમ્પિયન બન્યું નથી. ટીમ ઇન્ડિયા ફક્ત એક જ વાર ફાઇનલ રમી છે. 2020 વર્લ્ડ કપ ફાઇનલમાં ઓસ્ટ્રેલિયાએ ભારતને 85 રનથી હરાવ્યું હતું. ઓસ્ટ્રેલિયા હવે તેના સાતમા ટાઇટલ તરફ એક ડગલું નજીક છે.ઓસ્ટ્રેલિયાએ સેમિફાઇનલમાં પહોંચવાનો 100% રેકોર્ડ જાળવી રાખ્યો છે. 2009 થી, ઓસ્ટ્રેલિયા દરેક T20 વર્લ્ડ કપમાં ઓછામાં ઓછા સેમિફાઇનલમાં પહોંચ્યું છે. ઓસ્ટ્રેલિયા સાત વખત ફાઇનલમાં રમ્યું છે અને છ વખત ટ્રોફી જીતી છે.
આ પણ વાંચો - Harmanpreet Kaurએ ઓસ્ટ્રેલિયા સામે 25 બોલમાં અડધી સદી ફટકારી
