Team Indiaની આયરિશ ટીમ સામે કારમી હાર, આયર્લેન્ડે 2-0થી જીતી સિરીઝ

શ્રેયસ ઐયરની કેપ્ટનશીપ હેઠળ બધાને આશા હતી કે ટીમ ઈન્ડિયા T20 ઈન્ટરનેશનલ મેચોમાં પોતાનું વર્ચસ્વ જાળવી રાખશે, પરંતુ સિરીઝની શરૂઆત ખૂબ જ ખરાબ રહી છે. બેલફાસ્ટ સ્ટેડિયમમાં આયર્લેન્ડ સામે ભારતની બીજી T20I 1 રનથી હાર થઈ. 

આયર્લેન્ડે પહેલી વાર ભારત સામે T20I સિરીઝ જીતી જ નહીં, પરંતુ ક્લીન સ્વીપ પણ મેળવી. 2023 પછી આ પહેલી વાર છે જ્યારે ભારત T20I સિરીઝ હારી ગયું છે. આ પહેલા ઓગસ્ટ 2023માં રમાયેલી 5 મેચની T20I સિરીઝમાં ભારત વેસ્ટ ઈન્ડિઝ સામે 3-2થી હારી ગયું હતું.

ટીમ ઈન્ડિયાને વર્ષ 2019 પછી ક્લીન સ્વીપનો સામનો કરવો પડ્યો હતો

જ્યારે ભારતીય ટીમે સૂર્યકુમાર યાદવની કેપ્ટનશીપમાં 2026નો T20 વર્લ્ડકપ જીત્યો, ત્યારે બધાને અપેક્ષા હતી કે તેમને થોડી વધુ સિરીઝમાં આ જવાબદારી નિભાવવાની તક મળશે, પરંતુ BCCIએ શ્રેયસ ઐયરને નવા કેપ્ટન તરીકે જાહેર કર્યા. શ્રૈયસ ઐયરની કેપ્ટનશીપમાં ટીમ ઈન્ડિયા આયર્લેન્ડ સામેની પહેલી મેચ 34 રનથી હારી ગઈ, જે કોઈપણ ફોર્મેટમાં આઈરિશ ટીમ સામેની પહેલી હાર હતી, અને પછી બીજી T20 મેચ 1 રનથી હારી ગઈ. 

જ્યારે ટીમ ઈન્ડિયા 2023 પછીથી T20 ઈન્ટરનેશનલ સિરીઝ હારી ગઈ છે, ત્યારે 2019 પછી તેમની પહેલી ક્લીન સ્વીપ થઈ છે. આ પહેલા ભારતીય ટીમ 2019માં ઓસ્ટ્રેલિયા સામે ઘરઆંગણે 1 મેચની T20 સિરીઝમાં ક્લીન સ્વીપ થઈ હતી.

સતત 12 સિરીઝ અને ટુર્નામેન્ટ જીતનો રેકોર્ડ તૂટી ગયો

આયર્લેન્ડ સામેની આ સિરીઝ હાર સાથે ભારતનો સતત 12 સિરીઝ અને ટુર્નામેન્ટ જીતનો રેકોર્ડ તૂટી ગયો છે. આ પહેલા ભારતીય ટીમે 10 દ્વિપક્ષીય T20 સિરીઝ જીતી હતી અને 2024 અને 2026 માં બે T20 વર્લ્ડકપ પણ જીત્યા હતા. હવે શ્રેયસ ઐયરની કેપ્ટનશીપમાં ટીમ ઈન્ડિયાને સિરીઝ હારનો સામનો કરવો પડ્યો છે.

આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા