IND Vs PAK મેચ પહેલા વૈભવ સૂર્યવંશીનો ટીમ ઈન્ડિયાને ખાસ મેસેજ

વિમેન્સ વર્લ્ડકપ 2026ની શરૂઆત ખૂબ જ શાનદાર રીતે થઈ ગઈ છે, અને ટીમ ઈન્ડિયા ટુર્નામેન્ટમાં તેની પહેલી મેચ રમી રહી છે. ભારતીય મહિલા ટીમની પહેલી મેચ પાકિસ્તાન સામે હશે. બંને ટીમો બર્મિંગહામના એજબેસ્ટન ખાતે ટકરાશે. 

ટીમ ઈન્ડિયા આ મેચ જીતવા માટે ફેવરિટ લાગે છે, તેમની પાસે એક મજબૂત ટીમ છે. ટીમ ઈન્ડિયાના વિમેન્સ વર્લ્ડકપ 2026ની શરૂઆત પહેલા વૈભવ સૂર્યવંશીનો એક ખાસ મેસેજ સામે આવ્યો છે.

વૈભવ સૂર્યવંશીએ ભારતીય વિમેન્સ ટીમને આપ્યો મેસેજ

ભારતીય વિમેન્સ ટીમે વર્ષોની રાહ જોયા પછી 2025નો વિમેન્સ ODI વર્લ્ડકપ જીત્યો, અને હવે તેઓ T20 ફોર્મેટમાં પણ પોતાનો દુકાળ સમાપ્ત કરવા માગે છે. IND Vs PAK મેચના થોડા કલાકો પહેલા વૈભવ સૂર્યવંશીએ પોતાના ઈન્સ્ટાગ્રામ એકાઉન્ટ પર એક સ્ટોરી પોસ્ટ કરી. 

તેમાં ભારતીય વિમેન્સ ટીમનું પોસ્ટર અને એક ખાસ મેસેજ પણ સામેલ હતો. 15 વર્ષના યુવા બેટ્સમેને ટીમ ઈન્ડિયાને શુભકામનાઓ પાઠવી છે. તેને પોતાની સ્ટોરીમાં લખ્યું છે, "ટીમ ઈન્ડિયાને શુભકામનાઓ."

T20 વર્લ્ડકપ માટે ભારતીય મહિલા ટીમ

હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, જેમિમા રોડ્રિગ્સ, ભારતી ફુલમાલી, દીપ્તિ શર્મા, રિચા ઘોષ, શ્રી ચરાણી, યાસ્તિકા ભાટિયા, નંદની શર્મા, અરુંધતી રેડ્ડી, રેણુકા સિંહ, ક્રાંતિ ગૌડ, શ્રેયંકા પાટીલ, રાધા યાદવ.

વૈભવ સૂર્યવંશી પણ ટૂંક સમયમાં ટીમ ઈન્ડિયા માટે ડેબ્યૂ કરશે!

ભારતીય વિમેન્સ ટીમ 2026માં T20 વર્લ્ડકપ જીતવાનું લક્ષ્ય રાખે છે, ત્યારે વૈભવ સૂર્યવંશીનું લક્ષ્ય ભારતીય પુરુષોની T20 ટીમમાં પોતાનું સ્થાન સુરક્ષિત કરવાનું રહેશે. IPL 2026માં 15 વર્ષના વૈભવની વિસ્ફોટક બેટિંગે પસંદગીકારોને આયર્લેન્ડ અને ઈંગ્લેન્ડ સામેની T20 સિરીઝ માટે તેની પસંદગી કરવા મજબૂર કર્યા. હવે વૈભવ સૂર્યવંશી ભારતીય ટીમ માટે પોતાના ડેબ્યૂ સાથે ધમાલ મચાવશે. તે જોવાનું બાકી છે કે તેને ટીમ ઈન્ડિયાની જર્સીમાં રમવાની તક ક્યારે મળશે.

આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા