અમદાવાદ શહેરમાં ગુનાખોરી ડામવા માટે એક્શન મોડમાં આવેલી અમદાવાદ ક્રાઈમ બ્રાંચ દ્વારા વટવા વિસ્તારમાંથી હથિયારોના જથ્થા સાથે એક શખ્સને ઝડપી લેવામાં આવ્યો છે. લોકલ ક્રાઈમ બ્રાંચની ટીમ દ્વારા મળેલી ચોક્કસ બાતમીના આધારે ઓપરેશન પાર પાડીને આરોપી પાસેથી ઘાતક હથિયારો જપ્ત કરવામાં આવ્યા છે.
બીબી તળાવ પાસે પકડાયો આરોપી
અમદાવાદ ક્રાઈમ બ્રાંચને ચોક્કસ બાતમી મળી હતી કે, શહેર વટવા વિસ્તારમાં આવેલા બીબી તળાવ પાસે એક શખ્સ ગેરકાયદેસર હથિયારો સાથે ફરી રહ્યો છે. આ બાતમીના આધારે પોલીસે વોચ ગોઠવી હતી અને યુસુફ ઉર્ફે મામા હસન પટેલ નામના શખ્સને કોર્ડન કરીને ઝડપી લીધો હતો.
