ભ્રષ્ટાચારી અધિકારીઓ સામે લાલ આંખ કરતા એન્ટી કરપ્શન બ્યુરો (ACB) દ્વારા વધુ એક સફળ ડિકોય કાર્યવાહી હાથ ધરવામાં આવી છે. ઉકાઈ ખાતે મત્સ્યોદ્યોગ અધિક્ષક તરીકે ફરજ બજાવતા વર્ગ-3 ના અધિકારી તેજસ ચૌધરી સબસીડી મંજૂર કરવાના બદલામાં રૂપિયા 6,000 ની લાંચ લેતા રંગેહાથ ઝડપાઈ ગયો છે. એસીબીની આ કાર્યવાહીથી સરકારી કચેરીઓમાં ફફડાટ મચી ગયો છે.
સબસીડી પાસ કરવા માંગી હતી લાંચ
ઘટનાની મળતી માહિતી અનુસાર, મત્સ્યોદ્યોગ વિભાગ દ્વારા આપવામાં આવતી વિવિધ સબસીડીની યોજનાઓનો લાભ લેવા માટે અરજદારો પાસેથી લાંચની માંગણી કરવામાં આવતી હોવાની માહિતી એસીબીને મળી હતી. આરોપી તેજસ ચૌધરીએ એક કામના બદલામાં સબસીડી મંજૂર કરી આપવા માટે રૂપિયા 6,000 ની લાંચ માંગી હતી. જે બાદ એસીબીએ છટકું ગોઠવીને આ કાર્યવાહી હાથ ધરી હતી.
