બનાસકાંઠા જિલ્લામાં દારૂબંધીના કડક અમલ માટે એલસીબી પોલીસ એક્શન મોડમાં છે. પાલનપુર તાલુકા પોલીસ મથકની હદમાં આવતા માલણ ગામ નજીકથી પસાર થતી એક શંકાસ્પદ ડસ્ટર ગાડીને આંતરી પોલીસે તેમાંથી વિદેશી દારૂની મોટી ખેપ ઝડપી લીધી છે. પોલીસે મુદ્દામાલ સાથે એક શખ્સની ધરપકડ કરી કાયદેસરની કાર્યવાહી હાથ ધરી છે.
ડસ્ટર ગાડીમાંથી નીકળ્યો દારૂનો ખજાનો
ઘટનાની મળતી માહિતી અનુસાર, બનાસકાંઠા એલસીબીની ટીમ પાલનપુર વિસ્તારમાં પેટ્રોલિંગમાં હતી, તે દરમિયાન તેમને બાતમી મળી હતી કે એક ડસ્ટર ગાડીમાં દારૂનો જથ્થો લઈ જવામાં આવી રહ્યો છે. પોલીસે માલણ ગામ નજીક વોચ ગોઠવીને બાતમી મુજબની ડસ્ટર ગાડીને અટકાવી હતી. ગાડીની ઝડતી લેતા પોલીસ પણ ચોંકી ઉઠી હતી. ગાડીના ચોર ખાનાઓ અને સીટ નીચેથી ભારતીય બનાવટની વિદેશી દારૂની કુલ 376 બોટલો મળી આવી હતી.
