હાલના સમયમાં સાયબર ક્રાઈમના કિસ્સાઓ દિન-પ્રતિદિન વધી રહ્યા છે, ત્યારે હવે ઉચ્ચ પોલીસ અધિકારીઓ પણ આ ડિજિટલ છેતરપિંડીનો ભોગ બની રહ્યા હોવાની ચોંકાવનારી વિગત સામે આવી છે. ભાવનગર જિલ્લાના તળાજા અને મહુવા ડિવિઝનના ઈન્ચાર્જ DYSP મનીષ નકુમનું સોશિયલ મીડિયા એકાઉન્ટ હેકર્સ દ્વારા હેક કરવામાં આવતા પોલીસ વિભાગમાં દોડધામ મચી ગઈ છે.
હેકર્સે બનાવ્યું નિશાન
તળાજા અને મહુવાના ઈન્ચાર્જ DYSP મનીષ નકુમનું સત્તાવાર ઈન્સ્ટાગ્રામ એકાઉન્ટ હેકર્સના કબજામાં ગયું છે. સાયબર ઠગ દ્વારા પોલીસ અધિકારીના એકાઉન્ટનો દુરૂપયોગ કરી ખોટી માંગણીઓ અથવા નાણાકીય વ્યવહાર કરવાની આશંકા સેવાઈ રહી છે. આ ઘટનાની જાણ થતા જ સાયબર ક્રાઈમ એક્સપર્ટ્સ સક્રિય થયા છે.
