Bhavnagar : બરવાળા પોલીસ સ્ટેશન વિસ્તારમાં સ્ટેટ મોનીટરીંગ સેલનો દરોડો, 800 પેટી વિદેશી દારૂ ઝડપાયો, સ્થાનિક પોલીસ ઉંઘતી ઝડપાઇ

ભાવનગર જિલ્લામા બરવાળા પોલીસ સ્ટેશન વિસ્તારમાં સ્ટેટ મોનીટરીંગ સેલ (SMC) દ્વારા પાડવામાં આવેલા દરોડામાં ભારે માત્રામાં ભારતીય બનાવટની વિદેશી દારૂ ઝડપાયો છે. એસએમસીના દરોડાથી બુટલેગરોમાં ફફડાટ ફેલાઇ ગયો છે.

ખાંભડા ગામે ચાલુ કટીંગ દરમ્યાન SMC ત્રાટકી

બરવાળાના ખાંભડા ગામે ચાલુ કટીંગ દરમ્યાન SMCત્રાટકી હતી. જો કે પોલીસને જોઇને બુટલેગરોમાં નાસભાગ મચી ગઇ હતી અને આરોપીઓ ફરાર થઇ ગયા હતા

વાહનો જપ્ત કરાયા

SMCના પીએસઆઇ વી.એન. જાડેજાની ટીમને મળેલી બાતમીના આધારે દરોડો પાડવામાં આવ્યો હતો. દરોડામાં પીકઅપ વાહન-2, ફોર-વ્હીલ કાર, ટ્રક ટેન્કર સહિતના વાહનો કબ્જે કરવામાં આવ્યા છે.

સ્થાનિક પોલીસ તથા લોકલ ક્રાઈમ બ્રાન્ચ ઉંઘતી હતી

ચોંકાવનારી વાત એ છે કે સ્થાનિક પોલીસ તથા લોકલ ક્રાઈમ બ્રાન્ચ ઉંઘતી હતી ત્યારે SMCએ આ કાર્યવાહી કરી હતી અને કુલ 800 પેટી દારૂ સાથે જ વેરવિખેર વાહનો પણ કબ્જે કર્યા હતા. જો કે એક પણ આરોપી ઝડપાયા ન હતા.

બુટલેગરોની સાથે પોલીસ તંત્રમાં પણ ખળભળાટ

એસએમસીના દરોડાના પગલે બુટલેગરોની સાથે પોલીસ તંત્રમાં પણ ખળભળાટ મચી ગયો હતો. નવાઇની વાત છે કે બિન્ધાસ્ત દારુનું કટીંગ થઇ રહ્યું હતું અને સ્થાનિક પોલીસને તેની ભનક સુદ્ધાં લાગી ન હતી. આ દિશામાં પણ તપાસ શરુ કરાઇ હોવાનું જાણવા મળે છે.

આ પણ વાંચો-----    Banaskantha :ઠાકોર સમાજના બંધારણનો વિવાદ, વિવાદીત ગીત બાદ કલાકાર સુનિલ ઠાકોરે માફી માગી