ગાંધીનગરના પોશ ગણાતા રાંદેસણ વિસ્તારમાં આવેલી વેદિકા હેપ્પી વેલી રેસીડન્સીમાં આઈપીએલ (IPL) મેચ દરમિયાન સટ્ટો રમાતો હોવાની બાતમી ગાંધીનગર એલસીબી-1 (LCB-1) પોલીસને મળી હતી. આ બાતમીના આધારે પોલીસે રેસીડન્સીના પાર્કિંગમાં ઓચિંતી રેડ કરી હતી, જ્યાં એક શખ્સ મોબાઈલ ફોન દ્વારા ઓનલાઈન મેચ પર હાર-જીતનો જુગાર રમી રહ્યો હતો.
મોબાઈલ અને રોકડ સહિતનો મુદ્દામાલ જપ્ત
પોલીસ કાર્યવાહી દરમિયાન ઝડપાયેલા આરોપી પાસેથી ઓનલાઈન સટ્ટાના વ્યવહારો મળી આવ્યા હતા. પોલીસે આરોપીની અટકાયત કરી તેની પાસેથી રૂ. 2,500 રોકડા અને સટ્ટો રમવા માટે વપરાતો મોબાઈલ ફોન કબ્જે કર્યો છે. કુલ રૂ. 12,500નો મુદ્દામાલ જપ્ત કરીને પોલીસે આરોપીને લોકઅપના સળિયા પાછળ ધકેલી દીધો છે.
