કચ્છની શાન ગણાતા ભુજના ઐતિહાસિક હમીરસર તળાવમાં આજે એક વૃદ્ધનો મૃતદેહ મળી આવતા સમગ્ર વિસ્તારમાં ચકચાર મચી જવા પામી છે. ઘટનાની જાણ થતા જ લોકોના ટોળેટોળા તળાવ કાંઠે ઉમટી પડ્યા હતા અને સ્થાનિક પોલીસ તેમજ ફાયર વિભાગને જાણ કરવામાં આવી હતી.
ફાયર વિભાગની કામગીરી
ઘટનાની જાણ થતા ભુજ નગરપાલિકાના ફાયર ફાઈટરની ટીમ તાત્કાલિક ઘટના સ્થળે દોડી આવી હતી. ફાયર વિભાગના જવાનોએ ભારે જહેમત બાદ તળાવના પાણીમાંથી વૃદ્ધના મૃતદેહને બહાર કાઢ્યો હતો. પ્રાથમિક તપાસમાં મૃતક વૃદ્ધ હોવાનું જણાઈ આવ્યું છે, પરંતુ તેમની ઓળખ હજુ સુધી થઈ શકી નથી.
