સુરત શહેરના મહિધરપુરા વિસ્તારમાં એક હચમચાવી દે તેવી ઘટના સામે આવી છે, જેમાં પ્રેમમાં અંધ બનેલા એક યુવકે બદલાની ભાવનામાં યુવતીની બિભત્સ ક્લિપ સોશિયલ મીડિયામાં વાયરલ કરી દીધી હતી. જોકે, સુરતની મહિધરપુરા પોલીસ દ્વારા ટેકનિકલ સર્વેલન્સની મદદથી આરોપીને મહેસાણાથી દબોચી લેવામાં આવ્યો છે.
શું હતી સમગ્ર ઘટના?
ઘટનાની મળતી માહિતી અનુસાર, આરોપી કરણ નરેશભાઈ દંતાણી દ્વારા ભોગ બનનારી યુવતીને લગ્નની લાલચ આપી પ્રેમ જાળમાં ફસાવી હતી. લગ્નના બહાને આરોપીએ યુવતી સાથે અનેકવાર શારીરિક સંબંધો બાંધ્યા હતા. આ દરમિયાન આરોપીએ કેટલીક અંગત પળોની બિભત્સ ક્લિપ્સ પણ બનાવી લીધી હતી.
