સુરતના અમરોલી વિસ્તારમાં આવેલી જે. ઝેડ. શાહ કોલેજમાં રોફ જમાવવા માટે મારામારી કરનારા અસામાજિક તત્વોને પોલીસ દ્વારા કાયદાનું ભાન કરાવવામાં આવ્યું છે. સોશિયલ મીડિયા પર વાયરલ થયેલા મારામારીના વીડિયોના આધારે કાર્યવાહી કરી છે. પોલીસે આરોપીઓનું જાહેરમાં સરઘસ કાઢી તેમની પાસે માફી મંગાવી હતી.
શું હતી સમગ્ર ઘટના?
અમરોલીની જે. ઝેડ. શાહ કોલેજના કેમ્પસમાં થોડા દિવસો પૂર્વે કેટલાક શખ્સોએ જાહેરમાં મારામારી કરી આતંક મચાવ્યો હતો. પોતાનું વર્ચસ્વ જમાવવા અને ભયનો માહોલ ઉભો કરવાના ઈરાદે કરવામાં આવેલી આ મારામારીનો વીડિયો સોશિયલ મીડિયા પર વાયરલ થયો હતો. આ વીડિયોમાં આરોપીઓ બેફામ બનીને મારપીટ કરતા નજરે પડ્યા હતા, જેના કારણે વિદ્યાર્થીઓમાં ફફડાટ વ્યાપી ગયો હતો.
