સોશિયલ મીડિયા પર હથિયારો સાથે ફોટા કે વીડિયો મૂકી રુઆબ છાંટતા તત્વો સામે સુરેન્દ્રનગર એસઓજી પોલીસ લાલ આંખ કરી છે. સુરેન્દ્રનગર એસઓજીએ ઇન્સ્ટાગ્રામ પર હથિયાર સાથે ફોટો અપલોડ કરનારા એક ઇસમને હથિયાર સાથે ઝડપી લીધો છે. આ મામલે પરવાનેદાર વિરૂદ્ધ પણ કાયદેસરની કાર્યવાહી હાથ ધરવામાં આવી છે.
સોશિયલ મીડિયા પર ફોટો મૂકવો ભારે પડ્યો
ઘટનાની મળતી વિગતો અનુસાર, વશરામભાઈ જોગાભાઈ નામના ઇસમે સોશિયલ મીડિયામાં હથિયાર સાથે પ્રદર્શન કરતો ફોટો અપલોડ કર્યો હતો. આ બાબત સુરેન્દ્રનગર એસઓજીના ધ્યાન પર આવતા તુરંત જ ટેકનિકલ સોર્સની મદદથી તપાસ હાથ ધરી વશરામભાઈને હથિયાર સાથે પકડી પાડવામાં આવ્યો હતો.
