સુરેન્દ્રનગર જિલ્લામાં ગુનાખોરી ડામવા અને નાસતા ફરતા શખ્સોને પકડી પાડવા માટે પોલીસ વડાની સૂચના મુજબ સુરેન્દ્રનગર એસ.ઓ.જી. (SOG) ટીમે કમર કસી છે. આ દરમિયાન પોલીસને મોટી સફળતા મળી છે, જેમાં શરીર સંબંધી ગંભીર ગુનામાં છેલ્લા એક વર્ષથી પોલીસની પકડથી દૂર ભાગતા આરોપીને દબોચી લેવામાં આવ્યો છે.
બાતમીના આધારે કાર્યવાહી
સુરેન્દ્રનગર SOG ટીમ પેટ્રોલિંગમાં હતી, ત્યારે ચોક્કસ બાતમી મળી હતી કે, શરીર સંબંધી ગુનામાં વોન્ટેડ આરોપી સંજોગભાઈ ઉર્ફે સચીન ચંદુભાઈ ખાખરોડીયા ચોક્કસ સ્થળે છુપાયેલો છે. આ બાતમીના આધારે પોલીસ દ્વારા વ્યૂહાત્મક રીતે વોચ ગોઠવીને આરોપીને ઝડપી લેવામાં આવ્યો હતો.
