- રણબીર સાથે ઈન્ટિમેટ સીન આપીને પ્રસિદ્ધિ મેળવી
- તૃપ્તિ હાલમાં બિઝનેસમેન ગણાતા સેમ મર્ચન્ટને ડેટ કરી રહી છે
- અગાઉ કર્ણેશ શર્માને ડેટ કરી રહી હોવાની અફવાઓ પણ હતી
તૃપ્તિ ડિમરી 'એનિમલ' રીલિઝ થયા બાદથી ઘણી લાઈમલાઈટ મેળવી રહી છે. રણબીર કપૂર સ્ટારર આ ફિલ્મથી તૃપ્તિનું નસીબ બદલાઈ ગયું છે અને તે ચર્ચામાં આવી ગઈ છે. 'એનિમલ'માં તૃપ્તીએ રણબીર સાથે ખૂબ જ ઈન્ટિમેટ સીન આપીને ઘણી હેડલાઈન્સ બનાવી હતી. પરંતુ શું તમે જાણો છો કે 'એનિમલ'ની 'ભાભી નંબર 2' રિયલ લાઈફમાં કોને ડેટ કરી રહી છે?
તૃપ્તિ ડિમરી કોને ડેટ કરી રહી છે?
તૃપ્તિ ડિમરીને 'એનિમલ'થી ખૂબ નામ-પ્રસિદ્ધિ મળી છે. જોકે તૃપ્તિએ માત્ર 'એનિમલ'માં કેમિયો કર્યો હતો, પરંતુ આ ફિલ્મ તૃપ્તિની કારકિર્દીમાં માઈલસ્ટોન સાબિત થઈ છે. દરમિયાન, ચાહકો એ જાણવા માટે ખૂબ જ ઉત્સુક છે કે 'એનિમલ'ની ભાભી 2 વાસ્તવિક જીવનમાં કોને ડેટ કરી રહી છે. મીડિયા રિપોર્ટ્સ અનુસાર તૃપ્તિ ડિમરી મોડલથી બિઝનેસમેન બનેલા સેમ મર્ચન્ટને ડેટ કરી રહી છે.
કર્ણેશ શર્માને ડેટ કરી રહી હોવાની અફવાઓ પણ હતી
આ પહેલા અભિનેત્રી અનુષ્કા શર્માના ભાઈ કર્ણેશ શર્માને તૃપ્તિ ડેટ કરી રહી હોવાની અફવાઓ સામે આવી હતી, જોકે બંનેએ ક્યારેય જાહેરમાં એકબીજા સાથે રિલેશનશિપમાં હોવાની વાતનો સ્વીકાર કર્યો નથી.
તૃપ્તીએ સેમ મર્ચન્ટ સાથે સેલ્ફી શેર કરી હતી
હાલમાં તૃપ્તિ ડિમરી 'એનિમલ'ની ભવ્ય સફળતાનો આનંદ માણી રહી છે. હાલમાં અભિનેત્રીએ તેના ફોટાઓ શેર કર્યા હતા જે એક લગ્નના હોય તેવું લાગે છે. રસપ્રદ વાત એ છે કે, એક તસવીર અભિનેત્રીની સેમ મર્ચન્ટ સાથેની સેલ્ફી હતી. બંનેની સેલ્ફીએ તેમની ડેટિંગની અફવાઓને વેગ આપ્યો છે.
કોણ છે તૃપ્તિ ડિમરીનો કહેવાતો બોયફ્રેન્ડ સેમ મર્ચન્ટ?
સેમ મર્ચન્ટનું ઇન્સ્ટાગ્રામ બાયો જણાવે છે કે તે વોટર બીચ લાઉન્જ અને ગ્રીલના સ્થાપક છે જે ગોવામાં સ્થિત છે. તેના લગભગ 249 હજાર ફોલોઅર્સ છે. સેમ મર્ચન્ટ અગાઉ એક મોડેલ હતા અને 2002માં ગ્લેડ્રેગ્સ મેનહન્ટ કોન્ટેસ્ટના વિજેતા પણ હતા. બાદમાં તેમણે વ્યવસાય ક્ષેત્રે સાહસ કર્યું અને ગોવામાં એક્ઝોટિક બીચ ક્લબ અને હોટેલ્સ શરૂ કરી. આજે તે એક સફળ બિઝનેસમેન છે.
