Singham Againમાં હવે ટાઈગરશ્રોફની એન્ટ્રી, હવે રોહિત શેટ્ટીની ટીમમાં

• રોહિત શેટ્ટીની ટીમમાં ટાઈગરની એન્ટ્રી
  
• ફિલ્મમાં પણ થાય છે ધમાકેદાર શરૂઆત
• નવો લૂક જોઈને ફેન્સ થયા ખુશખશાલ

ટાઈગર શ્રોફ પોતાની નવી ફિલ્મ ગણપતને લઈને વ્યસ્ત છે. જોરશોરથી આ ફિલ્મને લઈને પ્રમોશન કામ શરૂ કરી દેવામાં આવ્યું છે. એના આ કામમાં કો એસ્ટર ક્રિતી સેનન પણ એનો સાથ આપી રહી છે. આવતીકાલે તારીખ 20 ઓક્ટોબરે મોટા પડદા પર રિલીઝ થનારી 'ગણપત'ની ફેન્સ રાહ જોઈને બેઠા છે. ચાહકો થિયેટરોમાં ફિલ્મ જોવા માટે ઉત્સુક છે, ત્યારે ટાઈગરે તેમના માટે એક સરપ્રાઈઝ આપી છે.

કોપ અવતારમાં અનોખી એન્ટ્રી

'સિંઘમ અગેન'ના મેકર્સે સિંઘમ સિરીઝની સિક્વલમાંથી ટાઈગરના પાત્રનો ફર્સ્ટ લુક રિલીઝ કર્યો છે. એટલે એક વાત તો નક્કી છે કે, સિંઘમ સિરીઝની નવી ફિલ્મમાં ટાઈગર એક નવા લૂકમાં જોવા મળશે. આ અપડેટથી ઈન્ટરનેટ કોપ યુનિવર્સ પર ખળભળાટ મચી ગયો છે. આ ફિલ્મમાં તેની એન્ટ્રી બાદ અજય દેવગન અને રણવીર સિંહે ટાઈગરનું ટીમમાં સ્વાગત કર્યું અને તેનો લુક શેર કર્યો. ચાહકોને સરપ્રાઈઝ આપતા 'સિંઘમ અગેઈન'ના મેકર્સે ફિલ્મના એક્ટર ટાઈગર શ્રોફનો ફર્સ્ટ લૂક રિલીઝ કર્યો.

પહેલી વખત પોલીસ અવતારમાં

પોલીસ જગતના એસીપી સત્યાના અવતારમાં ટાઈગર ખૂબ જ પાવરફુલ લાગી રહ્યો છે. ટાઈગર હાથમાં બંદૂક અને બેકગ્રાઉન્ડમાં ફાયર સાથે પોઝ આપતો જોવા મળે છે. 'સિંઘમ અગેન'ના અભિનેતાની ઝલક ખરેખર રસપ્રદ છે. ફિલ્મના નિર્માતાઓએ પોલીસ યુનિફોર્મમાં તેનો લુક પણ રિલીઝ કર્યો હતો. પોલીસના અવતારમાં પહેલી વખત જોવા મળી રહ્યો છે. ટાઈગરનો આવો લૂક પહેલી વખત ફેન્સ જોઈ રહ્યા છે.