સિંઘમ અગેન પછી દીપિકા પાદુકોણ હવે ફરી ફિલ્મોમાં પરત ફરવા તૈયાર છે. માતા બન્યા બાદ એકટ્રેસે પોતાની બાળકી દુઆ માટે ફિલ્મોમાંથી બ્રેક લીધો હતો. જો કે હવે લાંબા સમય બાદ એકટ્રેસ ફરી મોટી સ્ક્રિન પર આવવા માટે તૈયાર છે. દીપિકા પહેલા સંદીપ રેડ્ડી વાંગાની ફિલ્મ સ્પિરિટમાંથી નીકળી ગઈ અને વિવાદોમાં આવી ગઈ. હવે સમાચાર એવા આવી રહ્યા છે કે એકટ્રેસ કલ્કિ 2 માંથી પણ નીકળી ગઈ છે.
દીપિકા પાદુકોણ પાસે ઘણી સારી સારી ફિલ્મો છે જેમાંની એક છે સંદીપ રેડ્ડી વાંગાની ફિલ્મ સ્પિરિટ. પરંતુ આ ફિલ્મમાં એકટ્રેસે 8 કલાક કામ કરવાની ડિમાન્ડ મૂકી હતી, જેમાં બંનેની વાત બની નહી સંદીપ રેડ્ડીએ આ ડિમાન્ડને નકારી દીધી. એટલા માટે દીપિકા ફિલ્મમાંથી બહાર નીકળી ગઈ. હવે સોશિયલ મીડિયામાં એવી ખબરો આવી રહી છે કે કલ્કિ 2ના મેકર્સ હવે તેને ફિલ્મમાંથી બહાર કાઢવાનું વિચારી રહ્યા છે.
