Chhaava Box Office Collection: ફિલ્મના 12માં દિવસે પણ કમાણીનું તોફાન યથાવત્

વિકી કૌશલની ફિલ્મ "છાવા"એ કમાણીના તમામ રેકોર્ડ તોડ્યા છે. આ ફિલ્મ 14 જાન્યુઆરીના રોજ રિલીઝ થઇ હતી. જે બાજ બોક્સ ઓફિસ પર કમાણી મામલે જાણે તોફાન આવ્યુ હોય તેમ કરોડોનો આંકડો પાર કર્યો છે. ફિલ્મ "છાવા"એ તમામ બીગ બજેટની મુવીઝને પાછળ છોડી છે. વિકી કૌશલના કરીયરની આ સૌથી સફળ અને બીગ બજેટની ફિલ્મ છે. રશ્મિકા અને અક્ષય ખન્નાને પણ દર્શકો પસંદ કરી રહ્યા છે.

વિકી કૌશલના ફિલ્મનું તોફાન

વિક્કી કૌશલ અને રશ્મિકા મંદન્નાની ફિલ્મ 'છાવા'ની ચર્ચા દરેક જગ્યાએ થઈ રહી છે. આ અદ્ભુત ફિલ્મ લક્ષ્મણ ઉતેકરે બનાવી છે. ફિલ્મની કમાણી દરરોજ નવા આશ્ચર્યો આપી રહી છે. હવે બીજા મંગળવારે પણ આ ફિલ્મ ખૂબ જ સફળ બની છે અને તેણે રેકોર્ડ પણ તોડી નાખ્યા છે. બીજા મંગળવારે ફિલ્મે 17 કરોડ રૂપિયાની કમાણી કરી છે. ફિલ્મના 12મા દિવસની કમાણીના આંકડા હજુ સત્તાવાર નથી. પરંતુ જો ફિલ્મ 12મા દિવસે 17 કરોડ રૂપિયાનું કલેક્શન કરે છે, તો ફિલ્મનું કુલ કલેક્શન 362.25 કરોડ રૂપિયા થઈ જશે. આ ફિલ્મ બીજા અઠવાડિયામાં પણ જંગી કમાણી કરી રહી છે.

આ ફિલ્મે પહેલા અઠવાડિયામાં 219.25 કરોડ રૂપિયાની કમાણી કરી હતી. બીજા અઠવાડિયામાં, તેણે શનિવારે 44 કરોડ અને રવિવારે 40 કરોડની કમાણી કરી. સોમવારે આ ફિલ્મે 18.5 કરોડ રૂપિયાની કમાણી કરી હતી. હવે બુધવારે મહા શિવરાત્રીની રજા છે. આ રજાથી ફિલ્મના કલેક્શનને ફાયદો થશે તેવી ઘણી આશા છે.

આ ફિલ્મે આ રેકોર્ડ બનાવ્યો

તમને જણાવી દઈએ કે આ ફિલ્મે બીજા મંગળવારની કમાણીમાં બાહુબલી 2 નો રેકોર્ડ તોડી નાખ્યો છે. આ યાદીમાં પહેલા નંબરે પુષ્પા 2 હિન્દી (19.50 કરોડ) છે. બીજા સ્થાને 'છાવા' (17 કરોડ), ત્રીજા સ્થાને 'બાહુબલી 2' (હિન્દી) 15.75 કરોડ, ચોથા સ્થાને 'જવાન' 14.80 કરોડ અને પાંચમા સ્થાને 'એનિમલ' 12.37 કરોડની કમાણી સાથે છે. સની દેઓલની ગદર 2 (12.10 કરોડ) છાવાએ ટોચના 5 માંથી બહાર કરી દીધી છે.

છાવા વિશે વાત કરીએ તો, આ ફિલ્મમાં વિક્કી કૌશલ છત્રપતિ સંભાજી મહારાજની ભૂમિકા ભજવી રહ્યા છે. જ્યારે રશ્મિકા મંદાનાએ તેમના પત્નીની ભૂમિકા ભજવી છે. ફિલ્મમાં અક્ષય ખન્ના ઔરંગઝેબના રોલમાં જોવા મળી રહ્યા છે. આ ફિલ્મમાં આશુતોષ રાણા અને દિવ્યા દત્તા જેવા કલાકારો પણ જોવા મળ્યા છે.