Aishwarya Raiની કો-સ્ટારને તારક મહેતા એ બનાવી હતી આઈકન, પછી અચાનક છોડી દીધી ઈન્ડસ્ટ્રી!

અભિનેત્રી દિશા વકાણીને તારક મહેતા કા ઉલ્ટા ચશ્માથી જબરદસ્ત નામના મળી. આ શોમાં તેણે વર્ષો સુધી દયાબેનનું પાત્ર ભજવ્યું હતું. આ શોએ તેને ટીવીની હાઈએસ્ટ પેઈડ અભિનેત્રીઓમાંથી એક બનાવી દીધી હતી. પરંતુ શું તમે જાણો છો કે ટીવી પહેલા અભિનેત્રીએ ફિલ્મોમાં પણ કામ કર્યું છે?

દિશા વકાણીએ ફિલ્મોમાં કર્યું કામ

અભિનેત્રીએ 2008માં ઐશ્વર્યા રાયની ફિલ્મ જોધા અકબરમાં સપોર્ટિંગ રોલ ભજવ્યો હતો. આ સિવાય તેણે દેવદાસ, મંગલ પાંડે જેવી ફિલ્મો પણ કરી હતી. જોકે, તેમને ફિલ્મોમાં એવી સફળતા ન મળી જે ટીવીએ અપાવી.

તારક મહેતા માટે ચાર્જ કર્યા આટલા રૂપિયા

તારક મહેતામાં તેના ચુલબુલા અંદાજને ખૂબ જ પસંદ કરવામાં આવ્યો હતો. એક અહેવાલ મુજબ, આ શો માટે તે પ્રતિ એપિસોડ દોઢ લાખ રૂપિયા ચાર્જ કરતી હતી. પરંતુ વર્ષો સુધી ફેન્સનું મનોરંજન કર્યા પછી તેણે શો છોડી દીધો. હવે ઘણા વર્ષોથી તે ઇન્ડસ્ટ્રીથી દૂર છે. ઘણીવાર અભિનેત્રીને જોવામાં આવે છે. શોના મેકર અસિત મોદી પણ રક્ષાબંધન પર તેમના ઘરે રાખડી બંધાવવા ગયા હતા.

8 વર્ષથી ઈન્ડસ્ટ્રીથી દૂર દિશા વાકાણી

દિશા મેટરનિટી લીવ પર ગઈ હતી, જે બાદ તે શોમાં ક્યારેય પાછી ફરી નથી. મેકર્સે દિશાને શોમાં લાવવાના અનેક પ્રયત્નો પણ કર્યા હતા, પરંતુ તેણે શોમાં વાપસી કરી નથી. હવે તે બે બાળકોની માતા છે અને પોતાનો પૂરો સમય ઘર અને બાળકોને આપી રહી છે. દિશાએ ઇન્ડસ્ટ્રીથી દૂરી બનાવી લીધી છે. દિશાના ભાઈ મયૂર વકાણી પણ તારક મહેતા શોમાં કામ કરે છે. દિશા શોમાં એન્ટ્રી કરશે કે નહીં તે અંગે કોઈ પુષ્ટિ મળી નથી. થોડા સમય પહેલા દિશા પર દુઃખનો પહાડ તૂટી પડ્યો હતો. અભિનેત્રીના પિતા ભીમ વકાણીનું નિધન થયું હતું. પિતાના નિધનથી અભિનેત્રી ભાંગી પડી હતી.

આ પણ વાંચો- Raja Shivaji ફિલ્મ પર ચાલી સેન્સર બોર્ડની કાતર, રનટાઈમની બાબતમાં એનિમલ અને ધુરંધરને પણ આપશે જોરદાર ટક્કર!