Fahad Ahmad: 'લગ્ન કર્યા બાદ આ ભૂલ થઈ...', સ્વરા ભાસ્કર પતિ સાથે કેમ ઝઘડી પડી?

કલર્સ ટીવીનો નવો રિયાલિટી શો 'પતિ પત્ની ઔર પંગા' સતત ચર્ચામાં છે. આ શોની ચર્ચામાં સોશિયલ મીડિયા પર થઈ રહી છે કારણ કે, તેમાં ફેમસ કપલ જોવા મળ્યા અને અંગત જીવનના ખુલાસા કરી રહ્યા છે. આ શોમાં સ્વરા ભાસ્કર અને તેના પતિ  ફહાદ અહેમદ પણ જોવા મળ્યા છે. લગ્ન બાદ ગ્લેમરની દુનિયાથી સંપૂર્ણપણે દૂર રહેનારી સ્વરા ભાસ્કર રાજકારણી ફહાદ અહેમદ સાથે લગ્ન કર્યા પછી પહેલી વાર દુનિયા સામે આવી રહી છે. તે તેના પતિ ફહાદ અહેમદ સાથે 'પતિ પત્ની ઔર પંગા'માં ભાગ લેવા જઈ રહી છે જેનો પ્રોમો રિલીઝ થઈ ગયો છે.

સ્વરા ભાસ્કર અને ફહાદ અહેમદનો પ્રોમો 

આ બહુપ્રતિક્ષિત રિયાલિટી શો મુનાવર ફારૂકી અને સોનાલી બેન્દ્રે હોસ્ટ કરી રહ્યા છે. અવિકા ગૌર તેના મંગેતર મિલિંદ ચંદવાની સાથે આ શોમાં ભાગ લઈ રહી છે. હિના ખાન તેના પતિ રોકી જયસ્વાલ સાથે અને ગુરમીત ચૌધરી તેની પત્ની દેબીના બેનર્જી સાથે જોવા મળશે. આ બધા કપલ્સના પ્રોમો રિલીઝ થઈ ગયા છે. સ્વરા ભાસ્કર અને ફહાદ અહેમદનો પ્રોમો સૌથી વધુ પસંદ કરવામાં આવી રહ્યો છે.

સ્વરા ભાસ્કરે કહ્યું ભૂલ થઈ...

સ્વરા ભાસ્કર અને ફહાદ અહેમદના પ્રોમોમાં બંને ઢોલ વગાડતા જોવા મળે છે. સ્વરા ઢોલ પર પ્રવેશ કરતી જોવા મળે છે જેના પર ફહાદ અહેમદ કહે છે કે આ મહિલા ઢોલને ખૂબ પ્રેમ કરે છે. લગ્ન દરમિયાન તેણે સરકારી ઓફિસમાં ઢોલ વગાડ્યો હતો જેના કારણે લગ્નનું સંચાલન કરનાર વ્યક્તિની બદલી કરવામાં આવી હતી. પતિની ફરિયાદો સાંભળીને સ્વરા કહે છે કે તે ગુસ્સે છે અને હવે તેને લાગે છે કે તેણે અહીં આવીને ભૂલ કરી છે. આ પર ફહાદે કહ્યું કે તમે લોકો મને અહીં ચૂપ રહેવા ન દો.