Kiara Advaniની લાડલી દિકરીને લઈ ઘરે પહોંચી, સિદ્ધાર્થનો પુત્રી સાથેનો ફોટો વાયરલ

કિયારા અડવાણી અને સિદ્ધાર્થ મલ્હોત્રા 15 જુલાઈના રોજ એક સુંદર પુત્રીના માતા-પિતા બન્યા હતા. ત્યારથી ફેન્સ અને ઘણા સેલેબ્સ નવા માતાપિતાને અભિનંદન આપી રહ્યા છે. હવે કિયારા અડવાણીને ડિલિવરીના ત્રણ દિવસ પછી હોસ્પિટલમાંથી રજા આપવામાં આવી છે અને તે તેની લાડલીને લઈ ઘરે પહોંચી ગઈ છે.

કિયારા પુત્રી સાથે ઘરે પહોંચી

કિયારા અને સિદ્ધાર્થેનો માતાપિતા બન્યા બાદ નવો અધ્યાય શરૂ કર્યો છે.  આ કપલે  ગોપનીયતાની વિનંતી કરી છે. આ કપલ 18 જુલાઈના રોજ તેમની નાની પુત્રી સાથે ઘરે જવા રવાના થયું હતું. જોકે, કારમાં તેમના ચહેરા દેખાતા નહોતા.  પ્રખ્યાત સેલિબ્રિટીઓ ગોપનીયતા માટે તેમની કાર પર સનશેડનો ઉપયોગ કરે છે. આ કારણે કિયારા અને તેની પુત્રીનો ફોટો લઈ શકાતો નથી. પરંતુ ઘરે જતી વખતે તેમની કારના ફોટા ઇન્ટરનેટ પર વાયરલ થઈ રહ્યા છે. 

સિદ્ધાર્થનો તેની પુત્રી સાથેનો ફોટો વાયરલ 

સિદ્ધાર્થ મલ્હોત્રાના એક ફેન પેજે તેના ઇન્સ્ટાગ્રામ એકાઉન્ટ પર અભિનેતાની આ તસવીર શેર કરી છે. તસવીરમાં સિદ ગ્રે રંગની ટી-શર્ટ પહેરેલો જોવા મળે છે. તેના ખોળામાં તેની બાળકી છે. તે તેને પ્રેમથી જોતો જોવા મળે છે. આ ફોટો જોઈને બધાને લાગે છે કે આ સિદ-કિયારાની પુત્રી છે. કોમેન્ટ સેક્શનમાં પણ યુઝર્સે નાની પરી પર પ્રેમ વરસાવવાનું શરૂ કરી દીધું છે.

તમને જણાવી દઈએ કે સિદ્ધાર્થનો આ ફોટો વાસ્તવિક નથી તે તેની ફિલ્મ 'બાર બાર દેખો' ના એક દ્રશ્યનો છે. ફિલ્મમાં અભિનેતા કેટરિના કૈફ સાથે જોવા મળ્યો હતો. આ ફોટો સોશિયલ મીડિયા પર વાયરલ થતાં જ યુઝર્સે કોમેન્ટ સેક્શનમાં સવાલો પૂછવાનું શરૂ કરી દીધું. 

સિદ્ધાર્થ અને કિયારાનું લગ્ન જીવન

સિદ્ધાર્થ અને કિયારાના લગ્ન 7 ફેબ્રુઆરી 2023ના રોજ રાજસ્થાનના સૂર્યગઢ પેલેસમાં ભવ્ય રીતે થયા હતા. આ કપલની પ્રેમ કહાની તેમની ફિલ્મ શેરશાહના સેટ પર શરૂ થઈ હતી. સિદ્ધાર્થ અને કિયારાએ શૂટિંગ દરમિયાન અને તે બાદ પણ તેમના લગ્ન સુધી તેમના સંબંધો ગુપ્ત રાખ્યા હતા.