સાઉથ એક્ટર વિજય દેવરકોંડા અને રશ્મિકા મંદાનાએ લગ્ન પછી એક નેક કામ કર્યું છે, જેની ચારેય તરફ ખૂબ ચર્ચા થઈ રહી છે. તેલંગાણામાં વિદ્યાર્થીઓ માટે એક શૈક્ષણિક પહેલની જાહેરાત કરવાના કેટલાક મહિનાઓ બાદ આ સુપરહિટ જોડીએ હવે સરકારી શાળાઓના વિદ્યાર્થીઓને મદદ કરવાના હેતુથી આ પ્રોજેક્ટ પર કામ શરૂ કરી દીધું છે. આ વાતની માહિતી કપલે પોતાના સોશિયલ મીડિયા પર શેર કરી હતી.
રશ્મિકા અને વિજયે લગ્ન પછી કર્યું નેક કામ
રવિવાર, 14 જૂન 2026 ના રોજ વિજયે સોશિયલ મીડિયા પર એક અપડેટ શેર કર્યું. તેઓ થુમ્મનપેટા જઈ રહ્યા હતા, જે તેમના પિતાનું જન્મસ્થળ છે. એક્ટરે જણાવ્યું કે તેઓ અને રશ્મિકા તે સપનાને પૂરું કરવા તરફ આગળ વધી રહ્યા છે, જેના વિશે તેમણે આ વર્ષની શરૂઆતમાં વાત કરી હતી. એક્ટરે જણાવ્યું કે તેલંગાણાના અચમપેટ મંડળમાં 9મી અને 10મી ક્લાસના મહેનતુ વિદ્યાર્થીઓને અમે ઈનામ આપીશું અને સ્કોલરશિપ પણ આપવાના છીએ. આ અંગે X પર જાહેરાત કરતા વિજયે લખ્યું:
'અમે થુમ્મનપેટ જઈ રહ્યા છીએ. આ એ જ નાનકડું ગામ છે, જ્યાં મારા પિતાનો જન્મ થયો હતો. ફેબ્રુઆરીમાં રશ્મિકા અને મેં અમારા એક નાનકડા સપનાની શરૂઆત કરી હતી. તેની જાહેરાત અમે પહેલા જ કરી ચૂક્યા છીએ. આનો હેતુ તેલંગાણાના અચમપેટ મંડળના 9મી અને 10મી કક્ષાના તમામ મહેનતુ વિદ્યાર્થીઓને સન્માનિત કરવાનો હતો.'
રશ્મિકા-વિજયે 180 બાળકોના ભણતરની લીધી જવાબદારી
રશ્મિકાએ પણ વિજયની પોસ્ટને રીશેર કરીને અને રેડ હાર્ટ ઇમોજી જોડીને પોતાની ખુશી વ્યક્ત કરી હતી. આ પહેલ ફેબ્રુઆરીમાં શરૂ થઈ હતી, જે ઉદયપુરમાં કપલના લગ્નના થોડા સમય બાદની વાત છે. તે સમયે વિજય અને રશ્મિકાએ દેવરકોંડા ફાઉન્ડેશન દ્વારા થુમ્મનપેટાની 44 સરકારી શાળાઓમાં 9મી અને 10મી ક્લાસમાં ભણતા વિદ્યાર્થીઓના ભણતરમાં મદદ કરવાનો નિર્ણય કર્યો હતો. આ પહેલથી આર્થિક તંગીના કારણે શાળા છોડી દેનારા બાળકોને પોતાનું ભણતર પૂરું કરવાની તક મળશે. આમાં 180 બાળકોના નામ સામેલ છે, જેમની યાદી કપલે શેર કરી છે.
રશ્મિકા-વિજયની ત્રીજી ફિલ્મ
આ કપલના પ્રોફેશનલ લાઈફની વાત કરીએ તો વિજય અને રશ્મિકા આગામી પીરિયડ ડ્રામા ફિલ્મ રણબાલીમાં એકસાથે જોવા મળશે. આ ફિલ્મ ગીતા ગોવિંદમ અને ડિયર કૉમરેડ જેવી સફળ ફિલ્મો બાદ તેમની સાથેની ત્રીજી ફિલ્મ હશે. લગ્ન પછી આ તેમનો પહેલો પ્રોજેક્ટ પણ હશે.
આ પણ વાંચો-Madhuri Dixitનું એ ગીત જેના શૂટિંગ માટે રસ્તા પરથી માણસો બોલાવવા પડ્યા હતા, હિસ્ટ્રી બની ગયું ગીત!
