TRP ચાર્ટમાં આ વખતે પણ ગંગા માઈ કી બેટિયાંનો જ સિક્કો ચાલી રહ્યો છે. આ શો સતત શાનદાર પ્રદર્શન કરતા પહેલા પાયદાન પર મજબૂતીથી ટકેલો છે. બીજા નંબર પર વસુધાએ પોતાની પકડ ઢીલી થવા દીધી નથી અને સ્થિર બનેલી છે. ત્રીજા નંબર પર ઝી ટીવીના જ તૂમ સે તૂમ તક એ પોતાનો દમ બતાવતા ટોપ 3 માં જગ્યા સુરક્ષિત રાખી છે.
નાગિન 7ની લાગી લોટરી, અનુપમાને લાગ્યો મોટો ઝટકો!
આ અઠવાડિયાનું સૌથી મોટું સરપ્રાઇઝ નાગિન 7ના મેકર્સ માટે રહ્યું છે. પોતાના સીઝન ફિનાલે તરફ વધી રહેલા આ શોએ TRPના રિપોર્ટ કાર્ડ પર જબરદસ્ત કુદકો લગાવ્યો છે અને કલર્સ ટીવીનો આ શો સીધો ચોથા નંબર પર પહોંચી ગયો છે. TRPની રેસમાં અવારનવાર ટોપ પર રહેતા શો અનુપમા માટે આ અઠવાડિયું પણ ખૂબ જ નિરાશાજનક રહ્યું. શોના રેટિંગમાં મોટો ઘટાડો આવ્યો છે, જેના કારણે તે સરકીને છઠ્ઠા નંબર પર આવી ગયો છે. અનુપમાનું રેટિંગ આ વખતે 1.4 ટીવીઆર નોંધવામાં આવ્યું છે. બીજી તરફ, એકતા કપૂરનો શો ક્યોંકી સાસ ભી કભી બહૂ થી ઓછા માર્જિનથી જ સાચું, પરંતુ ટોપ 5 માં પોતાની જગ્યા બચાવવામાં સફળ રહ્યો છે.
