સલમાનની ટાઈગર-3ના ટ્રેલરે મચાવી ધમાલ, જવાન-પઠાણનો રેકોર્ડ ખતરામાં!

• ટાઈગરના ડાયલોગ્સ પણ ફેન્સને આકર્ષી રહ્યા છે
  
• પઠાણ અને જવાનને ટક્કર આપવા માટે ટાઈગર આવી રહી છે
• જ્યાં સુધી ટાઈગર મરશે નહીં ત્યાં સુધી હારશે નહીંઃ સલમાન ખાન

સિનેમાઘરની રોનક ફરી પરત આવી છે. પઠાણની ધમાકેદાર સક્સેસ પછી હવે દર્શકો એકવાર ફરીથી સિનેમાઘરમાં જવા માટે એક્સાઈટેડ જોવા મળી રહ્યા છે. પઠાણથી શરૂ થયેલી શાનદાર સફર હવે અટકવાનું નામ લઈ રહી નથી. ફિલ્મો હવે બોક્સ ઓફિસ પર ગજબનો કારોબાર કરી રહી છે અને સાથે નવા રેકોર્ડ બનાવી રહી છે. પણ હવે પઠાણ અને જવાનને ટક્કર આપવા માટે ટાઈગર આવી રહી છે.

ટાઈગરનો મેસેજ

ગઈકાલે ફિલ્મનું ટ્રેલર રીલિઝ થયા પછી સુપરસ્ટાર સલમાન ખાને ટાઈગરનો મેસેજ દુનિયા સુધી પહોંચ્યો છે. સ્પષ્ટ રીતે કહીએ તો ટાઈગર-3ની એક ઝલક ફેન્સની સાથે શેર કરી છે. ટાઈગર 3ની વાપસી હિટની ગેરેંટી માનવામાં આવી રહી છે. જે અંદાજમાં ટાઈગરે દેશની પાસે કેરેક્ટર સર્ટિફિકેટ માંગ્યું છે તેને જોઈને એ કહેવું ખોટું નહીં હોય કે આ વખતે ટાઈગર ધમાલ મચાવશે. સલમાનને શેર કરાયેલા વીડિયોમાં ટાઈગરના ડાયલોગ્સ પણ ફેન્સને આકર્ષી રહ્યા છે.

જ્યાં સુધી ટાઈગર મરશે નહીં ત્યાં સુધી હારશે નહીંઃ સલમાન ખાન

જ્યાં સુધી ટાઈગર મરશે નહીં, ત્યાં સુધી ટાઈગર હારશે નહીં. આ ડાયલોગને સલમાન ખાને પોતે લખ્યો છે અને આ વીડિયો સૌથી દમદાર ડાયલોગ પણ રહેશે. ટાઈગર આવી રહ્યો છે તે બરોબર છે પણ તેની સાથે ટકી રહેવું તમામ ફિલ્મો માટે મુશ્કેલ બની શકે છે. ટાઈગર-3ના એક્શન સીન્સને ખાસ રીતે તૈયાર કરાયા છે. વીડિયોમાં તેની એક નાની ઝલકે તમામને હચમચાવી દીધા છે.

જવાન- પઠાણનો રેકોર્ડ ખતરામાં

4 વર્ષ પછીની વાપસી પછી શાહરૂખ ખાન બોક્સ ઓફિસ પર ધમાલ મચાવવા આવ્યા છે. પઠાણ હિંદી ફિલ્મોની સૌથી વધુ કારોબાર કરનારી ફિલ્મ બની હતી અને પોતાના જ રેકોર્ડને તોડ્યો. જવાનના કહેર બાદ ગદર-2 અને પઠાણ બંને ટકી શકી નહીં. જવાનની કમાણી દુનિયાભરમાં 1000 કરોડ પાર કરી ચૂકી છે પણ ટાઈગરનો દમ જોઈને લાગે છે કે તેની સામે પઠાણ અને જવાન બંનેના રેકોર્ડ ખતરામાં પડી શકે છે. ટાઈગર 3 માટે ફેન્સ 80-100 કરોડની ઓપનિંગની માંગ કરી રહ્યા છે. જો કે એવું શક્ય થશે કે નહીં તે ફિલ્મના રીલિઝ થયા બાદ જ સ્પષ્ટ રીતે કહી શકાશે.