શું લાડલી બહેન સોનાક્ષીથી નારાજ છે લવ સિંહા?આ વ્યક્તિએ નિભાવી ભાઈની ફરજ

• સોનાક્ષી સિંહા અને ઝહીર ઈકબાલ એકબીજાના થયા
  
• લવ અને કુશે બહેન સોનાક્ષી સિંહાના લગ્નમાં હાજરી ન આપી
• ફેન્સે અનુમાન લગાવ્યું કે તેનો ભાઈ અભિનેત્રીના લગ્નથી નારાજ

બોલીવુડ અભિનેત્રી સોનાક્ષી સિંહા અને ઝહીર ઈકબાલે 23 જૂનના રોજ લગ્ન કર્યા હતા. આ કપલના લગ્નની તસવીરો અને વીડિયો સોશિયલ મીડિયા પર વાયરલ થઈ રહ્યા છે પરંતુ અભિનેત્રીના બંને ભાઈઓ આ ફંક્શનમાંથી ગાયબ જોવા મળ્યા હતા.

શું સોનાક્ષીના લગ્નથી નારાજ છે ભાઈ લવ સિંહા?

સોનાક્ષી સિંહા અને ઝહીર ઈકબાલે 23 જૂને કોર્ટ મેરેજ કર્યા હતા. ત્યાર બાદ તેઓએ સાંજે રિસેપ્શન પાર્ટીનું આયોજન કર્યું હતું. જેમાં પરિવારના સભ્યો સિવાય બોલીવુડના ઘણા સ્ટાર્સે પણ ભાગ લીધો હતો. જો કે, આ લગ્નમાંથી અભિનેત્રીનો ભાઈ લવ સિંહા જોવા મળ્યો ન હતો જેના કારણે ચાહકો અનુમાન લગાવી રહ્યા છે કે તેનો ભાઈ અભિનેત્રીના લગ્નથી નારાજ છે.

રિસેપ્શનમાંથી સોનાક્ષી સિંહાનો એક વીડિયો સોશિયલ મીડિયા પર વાયરલ થઈ રહ્યો છે. જેમાં સોનાક્ષી સિંહા બ્રાઈડલ એન્ટ્રી દરમિયાન ફૂલોની ડોલી નીચે ચાલતી જોવા મળી હતી. આ દરમિયાન ચાહકોની નજર આગળ ચાલી રહેલા સાકિબ સલીમ પર ટકેલી હતી. જેમણે સોનાક્ષી સિંહાના ભાઈની વિધિ કરી હતી.

લગ્નના કોઈપણ ફંક્શનમાં ન જોવા મળ્યો ભાઈ

હવે આ વીડિયો સામે આવ્યા બાદ ચાહકોએ સવાલો પૂછવા માંડ્યા છે કે સોનાક્ષીના જીવનમાં આટલી મોટી ખુશીની ક્ષણ છે પરંતુ આ ખાસ અવસર પર તેનો ભાઈ લવ સિંહા ક્યાં છે અને તે લગ્નમાં શા માટે હાજર નહોતો રહ્યો. જો રિપોર્ટ્સનું માનીએ તો માત્ર લવ જ નહીં પરંતુ સોનાક્ષીનો બીજો ભાઈ કુશ પણ લગ્નના કોઈપણ ફંક્શનમાં જોવા મળ્યો ન હતો. હવે તેની પાછળના કારણ અંગે કોઈ માહિતી સામે આવી નથી.

તમને જણાવી દઈએ કે હાલમાં જ જ્યારે સોનાક્ષી સિંહા અને ઝહીર ઈકબાલના લગ્નના સમાચાર સામે આવ્યા હતા ત્યારે એવું કહેવામાં આવી રહ્યું હતું કે અભિનેત્રીનો પરિવાર તેમના સંબંધોની વિરુદ્ધ છે. જ્યારે શત્રુઘ્ન સિંહાએ કહ્યું હતું કે આજકાલના બાળકો પૂછતા નથી પરંતુ માહિતી આપે છે. આ સિવાય અભિનેત્રીના ભાઈ લવ સિંહાએ લગ્નના સમાચારોને સ્પષ્ટપણે નકારી કાઢ્યા હતા અને કહ્યું હતું કે તેમને આ અંગે કોઈ માહિતી નથી.