- માતાના પગલે દીકરી ચાલી સાઉથ ફિલ્મમાં ડેબ્યૂ કરશે
- બોલિવૂડમાં થોડો સમય બ્રેક લઈને હવે સાઉથની ફિલ્મમાં
- જ્હાન્વીએ શેર કર્યો પોતાના સેટ પરનો પોતાનો નવો અવતાર
જ્હાન્વી કપૂર ધીમે ધીમે મનોરંજનની દુનિયામાં પોતાની ઓળખ એક અલગ ઓળખ બનાવી રહી છે. બોલિવૂડની સાથે તે સાઉથ મૂવીઝમાં પણ એન્ટ્રી લઈને કંઈક નવું કરી રહી છે. આ સિરીઝમાં તે જલ્દી જ સાઉથના મોટા પ્રોજેક્ટ 'દેવરા'થી ડેબ્યૂ કરશે. તે સુપરસ્ટાર જુનિયર એનટીઆર સાથે સાઉથમાં ડેબ્યૂ કરી રહી છે. જ્હાનવી કપૂર આ ફિલ્મને લઈને ખૂબ જ એક્ઝાઈટેડ છે. તેણે હાલમાં જ પોતાનો એક ખાસ ફોટો સોશિયલ સાઈટ પર શેર કર્યો છે. જ્હાન્વીનો આ ફોટો તેના ફેન્સને ઘણો આકર્ષી રહ્યો છે. જ્હાનવી કપૂરે તેના ઈન્સ્ટાગ્રામ એકાઉન્ટ પરથી એક ફોટો શેર કર્યો છે.
મસ્ત લાગી રહી છે આ અવતારમાં
આ ફોટામાં તે બ્લુ સાડી સાથે ગ્રીન બ્લાઉઝમાં જોવા મળી રહી છે. આ સાથે એક નાની બિંદી તેના લુકને વધુ નિખારી રહી છે. આ સાથે તેણે કેપ્શનમાં લખ્યું, 'હું સેટ અને ટીમને મિસ કરી રહી છું અને થનગમ કરી રહી છું.' જ્હાન્વીનો આ ફોટો જોઈને એક પ્રશંસકે લખ્યું, 'તું ટ્રેડિશનલ ડ્રેસમાં ખૂબ જ સુંદર લાગે છે.' એક યુઝરે કહ્યું, 'દેવરા 'દેવકી'. આ તસવીરમાં જ્હાન્વી ખૂબ જ ક્યૂટ લાગી રહી છે. જ્હાન્વીને સાઉથ ફિલ્મ ઈન્ડસ્ટ્રી સાથે ખાસ લગાવ છે કારણ કે, તેની મમ્મી શ્રીદેવીએ તેની એક્ટિંગ કરિયરની શરૂઆત સાઉથથી કરી હતી. શ્રીદેવીનો જન્મ 13 ઓગસ્ટ 1963ના રોજ મીનામપટ્ટીમાં થયો હતો. તેનું બાળપણનું નામ શ્રીઅમ્મા યંગર અય્યપન હતું. શ્રીદેવીએ બાળ કલાકાર તરીકે 1967માં ફિલ્મ કન્ધન કરુણાઈથી ડેબ્યૂ કર્યું હતું, જ્યારે તે માત્ર ચાર વર્ષની હતી. આ પછી, 13 વર્ષની ઉંમરે, તેણે તમિલ ફિલ્મ મૂન્દ્રુ મુદિચુથી તેની શરૂઆત કરી. આ પછી બોલિવૂડની સાથે સાથે શ્રીદેવીએ દક્ષિણની દુનિયામાં પણ ઘણું નામ કમાયું હતું.
લાંબા સમયથી વાત ચાલું રહી
જોકે, બોલિવૂડની દુનિયામાં જ્હાન્વી ખૂબ જ સિલેક્ટિવ કહી શકાય એવી ફિલ્મો કરે છે. હવે પછીના એના બીજા પ્રોજેક્ટમાં કેટલીક સાઉથની ફિલ્મો હોય તો એ વાતને નકારી શકાતી નથી. આ પહેલા પણ તેમણે સાઉથની ફિલ્મો માટે સ્ક્રિપ્ટ અને વિષય અંગે ચર્ચા કરી હતી. જોકે, આ ફિલ્મની વાત છેલ્લા ઘણા સમય પહેલા એક્ટ્રેસ પાસે પહોંચી ગઈ હતી. એ પછી તેમણે આ ફિલ્મ સાઈન કરી છે.
