'તારા વગર મારી આ છેલ્લી દિવાળી...' સુકેશે જેકલીનને જેલમાંથી લખ્યો પત્ર

દિલ્હીની જેલમાં બંધ સુકેશ ચંદ્રશેખરે તેની ગર્લફ્રેન્ડ જેકલીન ફર્નાન્ડિસને વધુ એક પત્ર લખ્યો છે. એક્ટ્રેસને દિવાળીની શુભેચ્છા પાઠવતા સુકેશે તેના પરત ફરવાના સંકેત પણ આપ્યા છે. તેણે પોતાની પ્રેમકથાની રામાયણ સાથે પણ સરખામણી કરી છે. જાણો સુકેશે પત્રમાં શું લખ્યું છે.

સુકેશે જેકલીન માટે લખ્યો પત્ર

સુકેશ અવારનવાર જેકલીનને જેલમાંથી પત્રો લખે છે, પછી તે એક્ટ્રેસના જન્મદિવસનો પ્રસંગ હોય કે કોઈ તહેવાર હોય, સુકેશ જેકલીનને પ્રેમનો સંદેશો મોકલવામાં ક્યારેય ડરતો નથી. તાજેતરમાં તેણે જેકલીનને દિવાળીની શુભેચ્છા પાઠવતો બીજો પત્ર મોકલ્યો હતો. પત્રમાં સુકેશે તેની લવ સ્ટોરીની તુલના રામાયણ સાથે કરી છે, જે તેના માટે ખૂબ જ ખાસ છે.

પત્રમાં સુકેશે જેકલીનને દિવાળીની શુભકામના પાઠવી હતી અને લખ્યું હતું કે, 'અમારી લવ સ્ટોરી કોઈ પણ એન્ગલથી રામાયણથી ઓછી નથી. જે રીતે ભગવાન રામ તેમની સીતા સાથે વનવાસમાંથી પરત ફર્યા હતા, હું પણ એવી જ લાગણી સાથે જેલમાંથી બહાર આવવાનો છું.

'તારા વગર આ મારી છેલ્લી દિવાળી હશે'

સુકેશે એમ પણ કહ્યું કે તેનો ઉદ્દેશ્ય જેકલીન સાથે ફરી મળવાનો અને સાથે મળીને આ સુંદર તહેવારની ઉજવણી કરવાનો છે. તેને લખ્યું, 'મારા ઘરે પરત ફરવાનો સમય લગભગ આવી ગયો છે. હું હવે બસ તારી સાથે રહેવાની રાહ જોઈ રહ્યો છું. અહીં લંકામાં તારા વગર આ મારી છેલ્લી દિવાળી હશે.

તેને પત્રમાં આગળ કહ્યું કે, 'દુનિયા મારા વિશે કંઈ પણ વિચારે, પરંતુ અમારી વચ્ચે શું ચાલી રહ્યું છે તે માત્ર અમે જ સમજી શકીએ છીએ.

એક્ટ્રેસ 'હાઉસફુલ 5'માં કરી રહી છે કામ

જેકલીન હાલમાં જ તેના મ્યુઝિક વીડિયો 'સ્ટોર્મરાઈડર'માં જોવા મળી હતી અને તે અક્ષય કુમાર સાથે 'હાઉસફુલ 5'માં પણ કામ કરી રહી છે. સુકેશના આ પત્રે ફરી એકવાર તેના અને જેકલીનના સંબંધોને ચર્ચામાં લાવ્યા છે. સુકેશના આ પત્રથી જેકલીન જ નહીં તેના ફેન્સ પણ હેરાન રહી ગયા છે.