ટાઈગર vs પઠાણ ફિલ્મને લઈ સલમાન અને શાહરૂખ સહમત

• અલગ અલગ મિટિંગમાં સ્ક્રિપ્ટની ચર્ચા થઈ
  
  
• બન્ને કલાકારોને પસંદ પડી છે ફિલ્મ સ્ક્રિપ્ટ
• માર્ચ મહિનામાં શરૂ થશે ફિલ્મનું કામ

શાહરૂખ ખાન અને સલમાન ખાનની ફિલ્મ ટાઈગર વીએસ પઠાણનું શૂટિંગ માર્ચ 2024થી શરૂ થશે. શાહરૂખ અને સલમાને સ્ક્રિપ્ટને લીલી ઝંડી આપી દીધી છે. ફિલ્મના નિર્માતા આદિત્ય ચોપરાએ બંને મેગાસ્ટાર્સને સાથે બેસાડીને સ્ક્રિપ્ટ સંભળાવી. આ સ્ક્રિપ્ટ કિંગખાન અને સલમાન બન્નેને પસંદ પડી છે. ફિલ્મની વાર્તા એક મહિના પહેલા શાહરૂખ અને સલમાનને અલગ-અલગ મિટિંગમાં કહેવામાં આવી હતી. બન્ને કલાકારો આ ફિલ્મ કરવા માટે સહમત થયા છે. નવેમ્બર મહિનામાં આ ફિલ્મનું પ્રિ પ્રોડક્શનનું કામ શરૂ થવાનું છે. જ્યારે આગામી વર્ષે માર્ચ મહિનામાં ફિલ્મ રીલિઝ થવાની છે.

સલમાનનો રોલ મોટો

યશ રાજ સ્ટુડિયો આ ફિલ્મને મોટી બનાવવામાં કોઈ કસર છોડવા માંગતો નથી. શાહરૂખ-સલમાન ઘણા વર્ષો પછી એક ફૂલ ફ્લેશ ફિલ્મમાં કામ કરવા જઈ રહ્યા છે. ટ્રેડ એક્સપર્ટના મતે ટાઈગર વર્સિસ પઠાણ હિન્દી ફિલ્મ ઈતિહાસની સૌથી મોંઘી ફિલ્મ હશે. જોકે, તાજેતરમાં આવેલી ફિલ્મ પઠાણમાં સલમાન ખાને મહેમાન કલાકાર તરીકેની ભૂમિકા ભજવી હતી. લોકો માટે સલમાન ખાનની એન્ટ્રી સરપ્રાઈઝ રાખવામાં આવી હતી. જોકે, લોકોને સલમાન ખાનની એન્ટ્રી ખૂબ ગમી હતી. નવી ફિલ્મનું ડાયરેક્શન સિદ્ધાર્થ આનંદ કરવાના હતા હવે અયાન મુખર્જીને જવાબદારી સોંપાઈ છે.

જાસુસીની થીમ

વર્ષ 1995માં આવેલી ફિલ્મ કરણ અર્જુનમાં બન્ને કલાકારો સાથે જોવા મળ્યા હતા. એ ફિલ્મ પણ એ દાયકાની સુપરહિટ ફિલ્મ પુરવાર થઈ હતી. એ પછી બન્ને કલાકારો હમ તુમ્હારે હૈ સનમ ફિલ્મમાં જોવા મળ્યા હતા. એ પછી કુછ કુછ હોતા હૈ ફિલ્મમાં સલામાને મહેમાન કલાકાર તરીકે ભૂમિકા અદા કરી હતી. આ ત્રણેય ફિલ્મ લોકોને ખૂબ જ ગમી હતી.આ વર્ષે યશરાજ સ્ટુડિયોએ સ્પાઈ યુનિવર્સની શરૂઆત કરી હતી. જેમાં તૈયાર થનારી તમામ ફિલ્મ જાસુસી થીમને ફોલો કરશે.