સુરતમાં 2 વર્ષના બાળક પર શ્વાને કર્યો હુમલો

• ઘર નજીક રમતા બાળક પર શ્વાનનો હુમલો
  
• બાળકને માથાના ભાગે 7 ટાકા આવ્યા
• હુમલોમાં બાળકને ગંભીર ઈજાઓ પહોંચી

રાજ્યભરમાં રખડતા શ્વાનો આતંક યથાવત છે, ત્યારે હવે સુરતમાં શ્વાને 2 વર્ષના બાળક પર હુમલો કર્યો છે. સુરતના પર્વત ગામમાં એક 2 વર્ષના બાળક પર શ્વાને અચાનક હુમલો કરી માથા પર બચકું ભરી લીધું હતું. ઘરની સોસાયટીમાં બાળકો રમી રહ્યાં હતાં, જ્યાં અચાનક શ્વાનને આવીને બાળકનું માથું મોઢામાં નાખ્યું હતું, જેથી બાળકને માથાના ભાગે ગંભીર ઇજા થતાં 7 ટાંકા લેવા પડ્યા હતા.

આ અંગેની માહિતી અનુસાર, વિજય રામ પર્વત ગામમાં આવેલા સંતોષનગરમાં પરિવાર સાથે રહે છે. તેમનો બે વર્ષીય દીકરો શિવાન્સ સહિત બે પુત્ર છે. વિજય કાપડ માર્કેટમાં કામ કરી પરિવારનું ગુજરાન ચલાવે છે. માતા રસોઈ કરી રહી હતી અને શિવાન્સ ઘર બહાર રમી રહ્યો હતો, ત્યારે સોસાયટીમાં રમતાં બાળકો પર શ્વાન તૂટી પાડ્યો હતો.

એટલું જ નહીં જ્યારે આ હુમલામાં બાળકની આંખ પર પણ ઈજા થઈ હતી. જોકે સદનસીબે બાળકને આંખ ગુમાવવાનો વારો આવ્યો ન હતો.જોકે આંખ બચી ગઈ હતી તો બીજી તરફ, આ વિસ્તારમાં શ્વાનના આંતકને લઈને સોસાયટીમાં પણ ભયનો માહોલ છવાયો છે.

જોકે નોંધનીય છેકે, અગાઉ પણ રખડતાં શ્વાને નાના બાળકોને ભોગ લીધો હતો. આ અગાઉ એક વ્યક્તિએ પણ જીવ ગુમાવ્યો છે. તેમજ પાલિકા દ્વારા શ્વાનના આતંક સામે કોઈ નક્કર કાર્યવાહી કરવામાં આવી રહી નથી તે પણ નજરે જોઇ શકાય છે. આ વચ્ચે શ્વાનના કારણે લોકોમાં ભયનો માહોલ છવાયો છે.