ભાવનગર જિલ્લાના વેરાવદર -ભાલ પંથકના સવાઈ નગરપંથકમાં ભાઈએ સગા ભાઈની હત્યા કર્યાની ઘટના સામે આવી છે. અહીં કૌટુંબિક જમીન વેચવા બાબતે મોટાભાઈ એ નાના ભાઈ સાથે ઝઘડો કરી ધારિયાનો ઘા ઝીંકી કરપીણ હત્યા કરી હતી. આ ઘટના અંગે પોલીસે ગુનો નોંધીને વધુ કાર્યવાહી શરૂ કરી છે.
ખુન આ બનાવ અંગે પ્રાપ્ત થતી માહિતી મુજબ ભાવનગર જિલ્લાના વેરાવદર-ભાલ પંથકના સવાઈ નગર ગામે રહેતા ચંદુભાઈ બટુકભાઈ પરમાર ઉપર તેના જ મોટાભાઈ મુકેશભાઈ બટુકભાઈ પરમાર એ ધારિયાનો ઘા ઝીંકી દઈ ખૂની હુમલો કરતા તેને લોહિયાર હાલતે ભાવનગરની સરકારી હોસ્પિટલમાં ખસેડાયેલ જ્યાં સારવાર દરમિયાન તેનું મોત નિપજ્યું હતું.
