અમરેલીમાં ખાનગી બસ-કાર વચ્ચે અકસ્માત, ગંભીર ઈજાઓથી કાર ચાલકનું મોત

ધારીથી જૂનાગઢ હાઈવે પાસે વેકરીયા ગામ નજીક ખાનગી બસ અને કાર વચ્ચે ગમખ્વાર અકસ્માત સર્જાયો છે. અકસ્માતમાં ગંભીર ઈજાઓથી કાર ચાલકનું મોત નિપજ્યું છે. ધારી-જૂનાગઢ હાઈવે પાસે વેકરિયા નજીક અકસ્માતની ઘટના બની હતી.

અમરેલીમાં ખાનગી બસ-કાર વચ્ચે અકસ્માત

રાજ્યભરમાં દરરોજ અકસ્માતની ઘટનાઓ બનતી રહે છે ત્યારે અમરેલીમાં ખાનગી બસ-કાર વચ્ચે ગંભીર અકસ્માત થયો છે. ગમખ્વાર અકસ્માત કાર ચાલકને અમરેલી સિવિલ હોસ્પિટલ ખાતે ખસેડાયો છે. કાર ચાલક લગ્ન પ્રસંગમાંથી ઘરે પરત ફરતા વેકરીયા ગામ નજીક ગમખ્વાર અકસ્માત સર્જાયો હતો. ગમખ્વાર અકસ્માત કાર ચાલક સિધાર્થ રાજેન્દ્રભાઈ સોલંકીને અમરેલી સિવિલ હોસ્પિટલ ખાતે ખસેડતા ડોકટરે કાર ચાલક મૃત જાહેર કર્યો હતો. મૃતકની ઉંમર 34 હોવાનું સામે આવ્યું છે.

ધારી-જૂનાગઢ હાઈવે પાસે વેકરિયા નજીક આ અકસ્માતની ઘટના બની હતી. અકસ્માતના ઘટના સ્થળ પર લોકોના ટોળે ટોળે ઉમટી પડ્યા હતા. સાથે જ અકસ્માતની જાણ થતાં પોલીસ કાફલો ઘટના સ્થળ પર પહોંચ્યો હતો અને પોલીસે વધુ તપાસ હાથ ધરી છે.