Patanના ચાણસ્મામાં ટ્રેલર અને બાઈક વચ્ચે અકસ્માત, દંપતીનું ઘટના સ્થળે મોત

પાટણના ચાણસ્મા તાલુકામાં ગમખ્વાર અકસ્માતની ઘટના સામે આવી હતી. ટ્રેલર અને બાઈક વચ્ચે સર્જાયેલા આ અકસ્માતમાં બે લોકોના મોત નિપજ્યાં હતાં. જ્યારે એક બાળકીને ઈજા પહોંચી હતી. ઈજાગ્રસ્ત બાળકીને 108 મારફતે સારવાર અર્થે હોસ્પિટલ ખસેડવામાં આવી હતી. ઘટનાની જાણ થતાં જ પોલીસ દોડી ગઈ હતી અને વધુ કાર્યવાહી હાથ ધરી હતી. અકસ્માત સર્જાતા આસપાસના લોકોના ટોળા ઉમટ્યા હતાં.

બાળકીને સારવાર અર્થે ખસેડાઈ

પ્રાપ્ત વિગતો પ્રમાણે પાટણ જિલ્લાના ચાણસ્મા તાલુકામાં કારોડ ગામ નજીક ટ્રેલર અને બાઈક વચ્ચે ગમખ્વાર અકસ્માત સર્જાયો હતો. જેમાં બાઈક પર સવાર દંપતીનું ઘટના સ્થળે જ મોત નિપજ્યું હતું અને એક બાળકીનો આબાદ બચાવ થયો હતો. આ બાળકીને ઈજા પહોંચતા 108 મારફતે તેને સારવાર માટે હોસ્પિટલ ખસેડવામાં આવી હતી. ઘટના બની ત્યારે આસપાસના લોકોના ટોળે ટોળા ઉમટી પડ્યાં હતાં. પોલીસ પણ તાત્કાલિક ઘટના સ્થળે પહોંચી હતી અને વધુ તપાસ હાથ ધરી હતી.

બાઈકનો ટ્રેલર સાથે અકસ્માત થયો

કારોડ ગામ નજીક પસાર થઈ રહેલા બાઈકનો ટ્રેલર સાથે અકસ્માત થયો હતો. બાઈક પર દંપતી તેમની બાળકી સાથે પસાર થઈ રહ્યાં હતાં. આ ગમખ્વાર અકસ્માતમા બાળકીએ તેના માતાપિતાનો સહારો ગુમાવ્યો હતો. લોકોના ટોળાએ 108ને જાણ કરતાં જ બાળકીને સારવાર અર્થે ખસેડવામાં આવી હતી. પોલીસે અકસ્માતની ઘટના અંગે ગુનો નોંધી વધુ કાર્યવાહી હાથ ધરી હતી. પોલીસે ઘટના સ્થળે પહોચીને લોકોના ટોળાને વિખેરવા કાર્યવાહી કરી હતી.