રાજકોટ કલેક્ટર કચેરીને બોમ્બથી ઉડાવી દેવાની ધમકી મળી છે. આ ધમકી મેઈલ મારફતે આપવામાં આવી છે. આ મેઈલમાં રાજકોટ કલેક્ટર કચેરીને પાંચ બોમ્બથી ઉડાવી દેવાની વાતનો ઉલ્લેખ કર્યો છે. આ ધમકી ભર્યો મેઈલ મળ્યા બાદ સમગ્ર શહેરમાં ખળભળાટ મચી જવા પામ્યો છે.


સઘન ચેકિંગ હાથ ધરાયું

રાજકોટ કલેક્ટર કચેરીને પાંચ બોમ્બથી ઉડાવી દેવાનો મેઈલ મળવાની સાથે પોલીસ તંત્ર હરકતમાં આવ્યું હતું. ધમકીને પગલે રાજકોટ કલેક્ટર કચેરીમાં ડોગ સ્ક્વોડ સાથે પોલીસ દ્વારા સઘન ચેકિંગ હાથ ધરવામાં આવ્યું હતું.

Also Read




જોકે, આ તપાસ દરમિયાન કોઈ શંકાસ્પદ વસ્તુ મળી આવી ન હતી. જે બાદ તંત્રએ રાહતનો શ્વાસ લીધો હતો. હાલ સુરક્ષાના ભાગ રૂપે રાજકોટ કલેક્ટર કચેરી ખાતે પોલીસનો કડક બંદોબસ્ત ગોઠવી દેવામાં આવ્યો છે.




  • Follow us on: