દેશની ગુપ્ત માહિતી પાકિસ્તાનને મોકલતો BSF નો કર્મચારી ઝડપાયો

• ભૂજના નિલેશ બડીયા નામના શખ્સની ધરપકડ
  
• નિલેશ પાકિસ્તાનની હેન્ડલરને ગુપ્ત માહિતી આપતો
• માહિતીના બદલામાં રુ. 25 હજારથી વધુ રુપિયા મેળવ્યા

હાલમાં ગુજરાત ATS દ્વારા ગેરકાયદેસર પ્રવૃત્તિ કરતાં લોકો સામે લાલ આંખ રાખવામાં આવી રહી છે. આ વચ્ચે કચ્છમાંથી ગુજરાત ATS એ ભૂજમાંથી નિલેશ બડીયા નામના શખ્સની ધરપકડ કરી છે. જેના પર આરોપ છે કે તે દેશની ગુપ્ત માહિતી પાકિસ્તાન મોકલતો હોવાનું સામે આવ્યું છે.

ગુજરાત ATS દ્વારા ભૂજના નિલેશ બડીયા નામના શખ્સની ધરપકડ કરી છે. જે પાકિસ્તાનના હેન્ડલરને ગુપ્ત માહિતી આપતો હતો. તેમજ નિલેશ કચ્છ BSF યુનિટમાં પટ્ટાવાળા તરીકે કામ કરતો હતો. અને પાકિસ્તાનને માહિતી આપવાના બદલામાં રુ. 25 હજારથી વધુ રુપિયા મેળવતો હતો.

આ અંગે તપાસ દરમિયાન ગુજરાત ATS ને જાણવા મળ્યું છેકે, નિલેશ અગાઉ હનીટ્રેપનો શિકાર બન્યો હતો. જે પછી હનીટ્રેપમાં ફસાયા બાદ BSFની માહિતી પાકિસ્તાન સુધીં પહોંચાડી હતી. એટલું જ નહીં તેને અદિતિ નામની બનાવટી પ્રોફાઈલની મદદથી માહિતી મોકલતો હોવાની વિગતો પણ સામે આવી છે.

હાલમાં ગુજરાત ATS એ તમામ તપાસ હાથ ધરી છે અને આરોપીના મોબાઇલની FSL તપાસમાં હકીકત સામે આવી છે. આરોપી સામે ઓફીસીયલ સીક્રેટ એક્ટ હેઠળ ગુનો દાખલ કરીને સમગ્ર ઘટના મામલે ગુજરાત ATSએ વધુ તપાસ હાથ ધરી છે. જેમાં મોટા ખુલાસા સામે આવી શકે છે.